Словенија планира да изгради нов суперкомпјутер во 2025 година вреден околу сто милиони евра, а половина од парите треба да ги добие од ЕУ. Новиот суперкомпјутер и центар за податоци ќе бидат изградени покрај хидроцентралата Мариборски Остров, која ќе обезбедува електрична енергија за напојување, додека создадената топлина ќе служи како извор на греење за Марибор. Новиот компјутер треба да се користи првенствено за работа со вештачка интелигенција, која бара многу голема моќност и ја поставува Словенија во центарот на високотехнолошкиот развој во Европа.
Во Марибор веќе од 2021 година работи суперкомпјутерот Вега (Vega), кој се користи за машинско учење, биомолекуларни симулации и симулации на материјали, квантна хемија и моделирање материјали, медицинска физика, симулации на динамика на флуиди, астрофизика, физика на фундаментални честички, биоинформатика, динамика и симулација на пожари и флуиди, обработка на медицински слики и друго. Новиот компјутер неформално се нарекува Вега 2. Државата сè уште нема обезбедено средства за новиот компјутер на европскиот тендер.
.webp){kind=icon}
