Во годината што ја оставаме зад нас глобалната економија закрепна бидејќи земјите успеаја да ги контролираат инфлацијата, геополитичките несигурности и транзицијата кон позелена и дигитална иднина. Иако изгледите за растот остануваат позитивни, се соочуваме со година на големи предизвици - најголемите се поврзани со нееднаквоста, долговите и геополитичките тензии.
Во вакво опкружување, трета година по ред, ние во „Блумберг бизнисвик Адрија“ ги избираме луѓето и идеите што ја обележија тековната година, но ќе имаат влијание и во следната. Неизвесноста за идните настани и потенцијалните ризици се клучните карактеристики на стратегиите што се креираат сега, но не ги затвораме очите пред оптимизмот што моментално ги поттикнува пазарите на капитал, позитивните вибрации во приватниот сектор и очекувањата за намалени политички тензии.
Целата листа можете да ја погледнете овде.
Годинава избираме најдобар бизнисмен и најдобра компанија во секоја од петте земји - Србија, Хрватска, Словенија, Македонија и Босна и Херцеговина. Но избравме и визионери, луѓе чии идеи ги поместуваат границите и чие влијание ќе достигнува нови височини. На списокот има и луѓе што биле на претходните листи – познати луѓе што прават нови работи (Новак Ѓоковиќ, Живко Мукаетов, Блаж Бродњак), предизвикувачки проекти (суперкомпјутер што ќе се напојува со електрична енергија од хидроцентрала), но и нови имиња што прават историски работи (Беата Халаси, Светлана Мојсов).
Погледнете кого го избравме во 2023 година.
Како избравме топ 25 луѓе и идеи од регионот
Номинациите беа подготвени од уредничките тимови на секоја локална редакција на „Блумберг Адрија“ - Србија, Словенија, Северна Македонија, Хрватска и Босна и Херцеговина. Клучни критериуми беа постигнувањата на номинираните во текот на годината што завршува, што секако ќе има влијание во следната година.
Редакциски одбор: Александра Томиќ, Јелисавета Лазаревиќ, Марко Перожиќ, Марја Милиќ, Маријана Авакумовиќ, Томислав Охарек и Ријад Дуркиќ во соработка со новинарите од сите редакции.
.webp){kind=icon}
