.webp){kind=icon}
Временските услови во Северна Европа навестуваат ладна недела, а снегот и мразот се очекува да донесат жолти временски предупредувања во Велика Британија, што, според прогнозата, ќе влијае на работата на некои аеродроми во Лондон.
Студеното време се очекува најтешко да ги погоди Нордијците, каде што се прогнозираат температури од 12,5 Целзиусови степени под нормалата во Осло овој петок, се вели во извештајот на синоптичарската куќа „Максар технолоџис“ (Maxar Technologies Inc.). Термометарот ќе се спушти до -14,5 Целзиусови степени во главниот град на Норвешка.
Според прогнозите, студениот бран ќе се задржи и низ Германија и Велика Британија во текот на целата недела, а прогнозите за Лондон се дека ќе има температури за 7,3 степени под сезонскиот просек. Жолти предупредувања има за големи делови од Обединетото Кралство, а аеродромите „Стенстед“ и „Гетвик“ веќе беа принудени да ги затворат пистите во текот на ноќта поради обилниот снег, како што објави Индипендент.
Првата зимска експлозија става силен товар врз европските електроенергетски мрежи, откако топлата есен им овозможи на комуналните претпријатија да ги дополнат исцрпените резерви на природен гас. Енергетската криза принуди некои земји да се вратат на јаглен, при што Националната мрежа на островот побара две единици на јаглен од зимското складиште да работат в понеделник.
Bloomberg Mercury
Поблаго време се очекува во овој регион од 21 декември, се вели во известувањето на „Максар“.
Ледените температури вршат притисок врз цените на енергентите. Таа ситуација беше влошена во Шведска, откако најголемиот реактор во земјата Оскаршамн-3 беше исклучен во петокот, на деветдневни поправки. Нордиските нуклеарни реактори работеа само со 62 отсто од капацитетот во понеделникот.
Се очекува Јужна Европа да продолжи да има потопло време, со прогнозирани температури за 5,8 степени над нулата во вторник во Мадрид.
