.webp){kind=icon}
Употребата на приватни авиони во Европа е зголемена, а со тоа и количеството на јаглерод диоксид што се ослободува во атмосферата. Бројот на летови минатата година се зголеми за 64 проценти, што доведе до речиси двојно зголемување на емисиите на ЦO2, покажуваат податоците од студијата спроведена од холандската еколошка консултантска компанија „ЦЕ Делфт“ (CE Delft), која е нарачана од „Гринпис“ (Green peace).
Според студијата, Обединетото Кралство беше главната дестинација, а најпопуларна маршрута беше Париз - Лондон.
Листа на најпопуларни маршрути во Европа за приватните авиолетови / Bloomberg Mercury
Закрепнувањето по пандемијата поттикна зголемување во најзагадувачкиот транспортен сектор, испуштајќи дури 14 пати повеќе стакленички гасови од конвенционалните воздушни патувања и 50 пати повеќе од возовите.
Во текот на изминатите три години приватното летање во регионот се зголеми речиси за пет пати, на 572.806 патувања во 2022 година, покажува студијата. Наодите би можеле да го зголемат притисокот врз ЕУ и Обединетото Кралство да направат повеќе за да ја зауздат употребата на приватни авиони.
Франција минатата година ги предводеше повиците за зголемување на даноците на ексклузивниот начин на летање, додека тоа сè повеќе е во спротивност со плановите на ЕУ да ги намали емисиите за 55 проценти до крајот на деценијата. Транспортниот сектор сочинува речиси една четвртина од јаглеродниот отпечаток на блокот.
„Приватните авиони се неверојатни загадувачи и генерално се бесмислени. Милиони луѓе низ светот се соочуваат со климатски хаос, се губат средствата за живот или уште полошо, додека малцинството гори авионско гориво како да нема утре“, рече Даг Пар, директор за политика во „Гринпис“.
„Гринпис“ повика на забрана за приватни авиони и летови на кратки релации каде што веќе постои разумна железничка врска.
