.webp){kind=icon}
Европската организација за контрола на летање „Еуроконтрол“ (Eurocontrol) предупредува на можни штрајкови во следните шест месеци. Синдикатот кој ги застапува вработените, испратиле предупредување до „Еуроконтрол“ (Eurocontrol) за можни штрајкови, што би значело дополнително нарушување на летовите во екот на сезоната. Во соопштението на „Еуроконтрол“ (Eurocontrol се наведува дека раководството води дијалог со синдикатот за да се спречат можни прекини на работата.
Можниот штрајк ова лето во Европа може да одложи или целосно да откаже до 12.600 дневни летови, објави „The Times“, повикувајќи се на извори од воздухопловниот сектор. Тоа е околу една третина од вкупниот број летови, бидејќи „Еуроконтрол“ (Eurocontrol предвидува околу 33 илјади летови секој ден во текот на јули и август.Од „Еуроконтрол“ (Eurocontrol) “ не прецизираа кога би се случиле протестите.
Авио-индустријата веќе се бори со штрајкови на контролорите во Франција кои нарушија илјадници летови низ континентот. „Рајанер Холдинг“ ( Ryanair Holdings) објави дека во текот на јуни биле принудени да откажат 900 летови поради протести.
Неколкучасовниот протест на персоналот на аеродромот во Женева, влучително и контролорите на летање, претходниот месец ги приземји летовите што влијаеше на околу 8.000 патници.
И „Дојче Луфтханза“(Deutsche Lufthansa) во Германија, се обидува да избегне евентуален штрајк на пилотите поради работните услови. Недостигот на работна сила продолжува да го мачи авио-секторот бидејќи побарувачката за летови се зголеми по пандемијата.
Еуроконтрол“ (Eurocontrol) претходно ги предупреди патниците кои летаат до популарните туристички дестинации како што се Марсеј или Атина дека се можни прекини бидејќи сообраќајот се врати на нивото пред пандемијата, што ги оптоварува и авиокомпаниите и аеродромите. Иако се очекува аеродромите да работат нормално, проблемите со недостигот на работна сила би можеле да извршат притисок врз клучните точки, предупреди Еуроконтрол“ (Eurocontrol).
