.webp){kind=icon}
Министерството за внатрешни работи соопшти дека почнува со нов начин на издавање лични карти за жителите на Скопје.
„Анализата на успешноста на доставата на лични карти на домашна адреса на граѓаните на територија на Град Скопје доведе до заклучок дека е нецелосна, несеопфатна и недоволно ефикасна, а истовремено го нема посакуваниот ефект и кај граѓаните и кај полициските службеници кои беа задолжени за достава“, стои во соопштението на надлежното министерство.
Од таму информираат дека од понеделник, 11 март 2024 година, почнува нов процес за издавање лични карти во просториите на месно надлежните полициски станици, според местото на живеење на граѓанинот наведено во личната карта.
Секој граѓанин ќе може да пристапи во кој било период од денот, секој ден од неделата, со цел да си ја подигне готовата лична карта.
