Маск смета дека тоа што зема кетамин е во најдобар интерес на инвеститорите

Илон Маск изјави дека тоа што му е пропишана употреба на кетамин ги ублажува периодите кога тој е во лошо расположение и, според тоа, е во најдобар интерес на инвеститорите во „Тесла“ (Tesla Inc.) и другите компании со кои раководи.

За Волстрит, „важно е извршувањето“, рече Маск во интервју со поранешниот водител на Си-ен-ен Дон Лемон, емитувано во понеделникот на Јутјуб. „Од гледна точка на инвеститорите, ако има нешто што јас го користам, треба да продолжaм да го земам“, рече тој мислејќи на успехот на „Тесла“.

Маск рече дека го зема лекот како што е пропишано, односно периодично, за да го лекува она што тој го опишува како „хемиска плима“ што доведува до симптоми слични на депресија.

Во една статија на „Волстрит журнал“ (Wall Street Journal) од јануари се наведува дека директорите во компаниите „Тесла“ и „Спејс екс“ (SpaceX) станале загрижени за неговата рекреативна употреба на дрога. Маск одговори дека не паднал на тестовите за дрога, а во објава на својата социјална мрежа X напиша: „Што и да правам, очигледно треба да продолжам да правам!“

Х го откажа планираното партнерство со Лемон по интервјуто.

Во моментов нема коментари за веста. Биди прв да коментира...

Остави коментар