.webp){kind=icon}
Инфлацијата во САД три месеци со ред е над очекувањата. Ваквите податоци ги турнаа светските берзи во црвено, а неизвесноста околу тоа кога Фед ќе ги намали каматите продолжува. Во Европа, инфлацијата се движи кон целта, но ЕЦБ сè уште не ги олабавува политиките.
Добро утро, ова се петте вести кои се важни за почеток на денот
Време кога акционерите тријат раце: Чија дивиденда е најслатка?
Граѓаните и правните субјекти кои инвестирале во акции на компании што го сочинуваат МБИ10 можат да бидат задоволни со оглед на тоа што кај сите пет акционерски друштва коишто досега ги објавија износите на дивидендите има зголемување во однос на претходната година.
Од друга страна, кај некои од нив може да се забележи дека има намалување на дивидендниот принос, што е секако показател што треба да се земе предвид кога се оценува дивидендната политика на компаниите и кога се одлучува во кои акции да се инвестира.
Вештачката интелигенција ќе седне на курс по македонски јазик
Уште од 50-тите години на минатиот век вештачката интелигенција (ВИ) – идејата дека машините можат да ја реплицираат човечката интелигенција за да одговорат на прашања и да решаваат проблеми – е област што го фасцинира научниот свет.
Со оглед на брзиот напредок на моќта на компјутерите и способноста за складирање и обработка на огромни количества податоци, ВИ сега стана вообичаена во повеќето секојдневни искуства, што е очигледно преку користењето на паметните телефони, поврзаните домашни уреди, интелигентните функции за возење (вклучувајќи ги и автономните автомобили) и четботовите.
Алтман на Блискиот Исток преговара за глобална соработка за вештачка интелигенција
Главниот извршен директор на „Опен еј-ај“ (OpenAI), Сем Алтман, работи на изградба на глобална коалиција меѓу владините и индустриските лидери за зајакнување на снабдувањето со чипови, енергија и капацитет на центрите за податоци потребни за развој на технологијата за вештачка интелигенција (ВИ), велат повеќе лица запознаени со состојбите.
Алтман неделава се состана со инвеститори и владини претставници во Обединетите Арапски Емирати (ОАЕ) за да разговараат за тоа како приватниот сектор може да работи со државите за поддршка на скапа, голема инфраструктура за вештачка интелигенција, посочуваат изворите, кои побарале анонимност бидејќи се работи за приватни дискусии. Алтман, исто така, разговарал со официјални лица во голем број западни земји и ќе одржи состаноци во Вашингтон подоцна оваа недела, рече еден од изворите. Сè уште не е јасно во каква форма ќе бидат овие иницијативи.
ЕЦБ и овој пат ги остави каматните стапки непроменети
Европската централна банка (ЕЦБ) повторно не ги промени стапките, иако ова може да биде последен состанок на централните банкари на еврозоната на кој е донесена ваква одлука. Повеќето аналитичари очекуваат прво намалување на каматните стапки во јуни, додека ЕЦБ исто така заседава во мај, но за монетарната политика нема да се одлучува на состанокот што ќе се одржи во Ирска.
По одлуката на ЕЦБ, каматната стапка на депозитите ќе остане на четири отсто, на операциите за главно рефинансирање на 4,5 отсто, а на маргиналните кредитни капацитети на 4,75 отсто, се вели во соопштението на централната банка. Овие каматни стапки се на сила од септември и се највисоки од формирањето на еврозоната.
Светска банка: Македонските плати растат, продуктивноста стагнира
Раст на инфлацијата од три отсто во 2024 година и враќање на долгорочниот просек на земјата од два процента во периодот 2025-2026 година очекува Светската банка за Македонија. Како што беше речено на денешната презентација на редовниот Економски извештај за Западен Балкан, ризик е зголемувањето на платите што не се во согласност со продуктивноста и тоа е нешто што годинава може да ја одржи инфлацијата на зголемено ниво.
Според Светската банка, земјава бележи зголемен буџетски дефицит, а минатата година имала и економски раст најнизок во регионот. Годинава се очекува растот да биде силно поттикнат од градежните работи на автопатиштата.
