.webp){kind=icon}
„Нова љубљанска банка“ (НЛБ), која на почетокот на јуни и официјално ја објави понудата за преземање на „Адико банка“ (Addiko Bank AG), одлучи да ја зголеми понудата за 10 отсто. Словенечката банкарска групација, која работи и во Македонија, сега нуди 22 евра по акција за австриската банка што има свои банки насекаде во регионот Адрија.
Добро утро! Ова се петте вести што треба да ги знаете на почетокот од денот.
Ги тера ли законскиот галиматијас активните пензионери кон сива економија?
Можат ли македонските пензионери да остваруваат приходи од работа и истовремено да земаат пензија е прашање кое заслужува внимание со оглед на тоа што голем дел од нив се чувствуваат способни да продолжат со работа и откако ќе ги исполнат условите за пензија. Истражувајќи ја оваа проблематика наидовме на голем број законски спротивречности и непрецизна регулатива којашто очигледно ги тера пензионерите кои сакаат да работат кон сиватата економија односно работа на црно. Истовремено, законската регулатива дозволува лица од одредени професии да заработуваат додека да земаат пензија.
Според член 148 од Законот за пензиско и инвалидско осигурување „на корисник на пензија додека е во работен однос или додека врши самостојна дејност во Република Македонија или странство му се запира исплатата на пензијата, а на корисник на инвалидска пензија му престанува правото на пензија.
Енергетските мрежи под висок ризик, цената на струјата расте
Како што растат температурите така растат и цените на струјата. Од минатата недела, кога почна последниот топлотен бран, цената на струјата на берзата ХУПЕКС во Унгарија надмина 200 евра за мегават-час. Под оваа сума се тргуваше единствено преку викендот поради вообичаено помалата побарувачка во неработни денови. Денеска струјата ќе се тргува по цена од 230 евра за мегават-час.
Потрошувачката на струја деновиве урива рекорди. Според податоците на ЕВН, во текот на јули (од 1 јули до 15 јули 2024) потрошени се 220.478 MWh, што се должи на високите температури.„Најголема потрошувачка е регистрирана на 15.07.2024 (ден понеделник) и изнесува 16.824 MWh, кој е и еден од најтоплите денови овој период, со минимални 20°C и максимални 41°C, а се измерени на скопскиот Аеродром“, велат од ЕВН за „Блумберг Адрија“.
Расте побарувачката за потрошувачки кредити во еврозоната
Банките во еврозоната го забележаа првото зголемување на побарувачката за потрошувачки и станбени кредити од 2022 година, објави Европската централна банка.
Кварталната анкета на ЕЦБ за банкарските заеми, исто така, покажа дека корпоративниот апетит продолжи да паѓа во трите месеци до јуни, иако имаше значителни разлики во целиот регион. Додека порасна во Германија и Шпанија, продолжи да опаѓа во Франција и Италија.Податоците за заемите се клучен знак за креаторите на политиките на ЕЦБ, бидејќи тие одредуваат колку брзо можат да ги намалат трошоците за задолжување по првото намалување во јуни.
Прв раст на малопродажбата во САД по три месеци
Продажбата на мало во САД, со исклучок на продажбата на автомобили поради хакерските напади, порасна најмногу за три месеци во јуни, што е знак дека потрошувачите застанаа на нозе на крајот на вториот квартал.Купувањата на мало без моторни возила се зголемија за 0,4 отсто минатиот месец по нагорно ревидираниот пораст од 0,1 отсто во мај. Целокупната продажба на мало беше непроменета, ограничена со пад на приходите од 2 отсто кај дилерите на автомобили. Бројките не се приспособени за инфлацијата.
Податоците покажуваат постепено забавување на растот на трошоците, бидејќи Американците го чувствуваат притисокот на високите каматни стапки и заладувањето на пазарот на трудот, што укажува на тоа дека економијата се држи додека Федералните резерви се приближуваат до првото намалување на каматните стапки.
Илон Маск секој месец ќе донира за Трамп
Илон Маск вети дека ќе дава 45 милиони долари месечно во политичка група која го поддржува Доналд Трамп, потег што ќе додаде многу пари во напорите за реизбор на републиканскиот кандидат до ноемвриските избори.
Планираната инфузија на готовина на Маск би можела да помогне во изградбата на водството на Трамп во собирањето средства пред претседателот Џо Бајден, кој претрпе бунт од донаторите во последниве недели, при што некои го повикуваат да ја повлече кандидатурата. Бизнисменот милијардер го поддржа Трамп во објава на Х, откако поранешниот претседател беше ранет додека се обраќаше на митинг во Батлер, Пенсилванија, во саботата вечерта.
