.webp){kind=icon}
„Го знаете пристапот: ги отвораме нашите пазари во одредени сектори и за возврат вие ќе спроведете важни реформи, за да имаме изедначено поле за игра, а тоа ќе биде придружено со дополнителни инвестиции“, порача претседателката на Европската комисија, Урсула фон дер Лајен, која вчера беше во Скопје на средби со претставници на државниот врв. Таа посочи дека Македонија испорачува реформи и ќе добие 52 милиони евра од планот за раст до крајот на годинава. ЕУ инвестира во чист транспорт и подобра поврзаност во Европа, па Фон дер Лајен потсети и на важноста на коридорите 8 и 10, а патем порача Осломеј и РЕК Битола да работат на соларна енергија.
Добро утро, ова се петте важни вести што треба да ги знаете утрово.
Како и зошто банките ја зголемуваат националната референтна каматна стапка?
Националната референтна каматна стапка (НРКС) е на највисоко ниво од 2018 година досега. Таа се менува секој месец и во октомври изнесува 2,41 отсто. Во пресметката на оваа референтна каматна стапка се вклучени денарските депозити без валутна клаузула договорени со домаќинствата и нефинансиските институции, а се објавува на страницата на НБРМ секој 25-ти календарски ден во месецот. Значи, тоа се депозитите чии камати ги одредуваат банките. Читајте во нашата анализа зошто е важна оваа камата.
Топ 10 најголеми емисии на корпоративни обврзници во регионот Адрија
Со неодамнешното издавање обврзници во износ од 900 милиони долари, „Телеком Србија“ постави рекорд во регионот Адрија по износот на поединечни емисии на корпоративни обврзници.
Српската телекомуникациска компанија успешно издаде меѓународни корпоративни обврзници на берзата во Даблин, при што побарувачката ја надмина понудата повеќе од пет пати и изнесува 5,5 милијарди долари.
Анализираме кои компании од регионот Адрија се на врвот во однос на емисиите на корпоративни обврзници.
Дали БРИКС е златна кокошка или ноќна мора за инвеститорите?
Земјите од БРИКС (Бразил, Русија, Индија, Кина и Јужноафриканска Република) сѐ почесто поминуваат кога инвеститорите зборуваат за географска диверзификација на портфолијата. Додека едни се колнат во потенцијалот на овие земји, други предупредуваат на опасност од вложувања во овој релативно лабав сојуз.
Вложувањата во земјите од БРИКС носат валутни, економски, социјални и геополитички ризици. Сепак, ризикот може добро да ги „офајди“ инвеститорите. Редакцијата на „Блумберг Адрија“ истражуваше кои се ризиците поврзани со инвестирањето во овие држави и кои се шансите на кои многумина не обрнуваат внимание.
ББА-коментар: „Кока-Кола“ се соочува со предизвици
Компанијата „Кока-Кола“ не може да биде задоволна со резултатите од третиот квартал од 2024 година бидејќи потфрли во перформансите во однос на истиот квартал минатата година. Обемот на глобалната продажба се намали за еден процент, а нето-оперативниот приход за 0,8 проценти.
Глобалните шокови, кои влијаат на цената на продадените стоки, „Кока-Кола“ успешно ги пренесува на клиентите и на тој начин успева да одржи релативно стабилна бруто-маржа. Анализираме дали и за колку може да се зголемат цените на производите на оваа компанија.
Линкдин казнет со над 300 милиони евра за нелегални практики во ЕУ
Комисијата за заштита на податоци на Ирска го казни Линкдин (LinkedIn) во Ирска со 310 милиони евра (335 милиони долари) за незаконско обработување на личните податоци на корисниците во Европската Унија за испорака на целни реклами.
Комисијата за заштита на податоци на Ирска започна истрага за практиките на обработка на податоци на Линкдин по жалба поднесена до францускиот регулатор за заштита на податоци.
