.webp){kind=icon}
Речиси е сигурно дека Европската централна банка ќе ги намали каматните стапки за четвртина поен во декември, според членот на Управниот совет Јанис Стурнарас. Запрашан дали таквиот потег е завршена работа, шефот на грчката централна банка рече „повеќе или помалку“ и дека смета дека „25 базични поени се оптимално намалување“.
Добро утро, ова се најважните вести за почеток на денот.
Нуклеарна централа во Македонија - за и против
Европа се врти кон нуклеарната енергија. Притиснат од потребата за намалување на штетните емисии, стариот континент мора да бара решение за ослободување од јагленот, фосилното гориво кое иако е еден од најголемите загадувачи, сè уште најмногу се користи за добивање на електрична енергија.
Во услови на зголемен интерес за изградба на нуклеарни централи, посебно што и избраниот претседател на САД, Доналд Трамп, најавува зголемување на производството од нуклеарките за 200 отсто во наредните 10 години, ги прашавме домашните експерти дали земјава треба да се приклучи на светските трендови и законски да овозможи инвестиции во овој сектор.
Предлози за портфолио: Каде да се инвестира по победата на Трамп?
По изборот на Доналд Трамп за 47-ми претседател на САД, и крипто и пазарите на капитал беа среќни. Паѓаа рекорди, дури и неколку пати на ден на крипто-пазарот. Малите инвеститори, кои до сега спиеја, сигурно се разбудиле од наглиот раст на некои инвестиции.
Но, гледањето на курсевите во толку краток временски период може да биде многу погрешно. Минатите приноси не се гаранција дека тие ќе продолжат да растат. Како да се изгради портфолио за периодот на претседателството на Трамп, кога можеме да очекуваме зголемена неизвесност и следствено поголема нестабилност.
„Револут“ ќе нуди тргување со акции на берзите во Велика Британија и ЕУ
„Револут“ (Revolut Ltd.), највредната финтек компанија во Европа, ќе понуди тргување со акции на берзите во Велика Британија и ЕУ од следната година, бидејќи конкуренцијата меѓу брокерите за малопродажба кои ги опслужуваат британските инвеститори се интензивира.
Компанијата со седиште во Лондон, која неодамна обезбеди овластување за банкарство во Велика Британија доби одобрение од Управата за финансии (FCA) како инвестициска фирма која и дозволува да ги прошири своите услуги, се вели во денешното соопштение. FCA одби да коментира.
„Мајкростратеџи“ купи биткоини за 4,6 милијарди долари
„Мајкростратеџи“ (MicroStrategy Inc.) купи 51.780 биткоини за околу 4,6 милијарди долари, што е најголемото купување од страна на проксито на крипто хеџ-фондот откако почна да го стекнува дигиталното средство пред повеќе од четири години.
Производителот на софтвер за претпријатија, чија корпоративна стратегија вклучува купување на криптовалутата, ги купил токените помеѓу 11 ноември и 17 ноември, според поднесокот до Комисијата за хартии од вредност на САД. Компанијата сега има повеќе од 29 милијарди долари во биткоини.
Од функционална храна до мени за астронаути: Како ќе се храниме во иднина?
Пандемијата на ковид-19 комплетно го промени начинот на кој размислуваме за нашето мени. Агенцијата за истражувања на пазарот „Минтел“ во јуни годинава истакна дека има значителен раст на претпочитањето на потрошувачите за поздрава, посвежа и храна со поголема нутритивна вредност, а тоа го потврдуваат и бројките.
Истовремено се бараат пооптимални и поздрави, но и опции со подолг рок на траење, па сѐ поголем е интересот за функционална храна, која по дефиниција, освен основна нутритивна вредност, има и потврдена здравствена придобивка. Глобалниот пазар на функционална храна беше проценет на 189,5 милијарди долари во 2021 година и се очекува да достигне 285,3 милијарди долари во 2030 година, со годишна стапка на раст од 4,52 отсто.
