Г7 ќе ја санкционира Русија, но нема целосно ембарго на извозот

Земјите од Групата седум (Г7) одлучија да не воведуваат речиси целосна забрана за извоз во Русија и, наместо тоа, ќе ги продолжат постојните ограничувања за клучните стоки, посочија извори запознаени со ова прашање.

Претставниците на Г7 разговараа за промена на сегашниот режим на санкции и забрана на секаков извоз, освен на стоки што се изземени. Според сегашните критериуми, дозволен е секаков извоз, освен ако не е предмет на санкции. Исклучоците би се однесувале на лекови, земјоделски производи и храна.

Сепак, последниот нацрт на изјавата што лидерите на Г7 се очекува да ја усвојат на нивниот самит во Хирошима, што започна во петокот, не ја вклучува таа одредба.

Овој потег би бил премногу комплициран за да го спроведат некои земји-членки, со оглед на различните правни и регулаторни системи, вклучувајќи ги и оние во Европската Унија, велат познавачите на ова прашање. За ваква речиси целосна забрана би била потребна и согласност од сите земји од ЕУ.

Наместо тоа, Г7 ќе ја прошири листата на забранети стоки за да ги ограничи артиклите што се клучни за руската војна во Украина, вклучувајќи ги и оние што се користат на бојното поле, како што е извозот на индустриски машини и алати, се наведува во нацрт-изјавата. Г7 исто така дополнително ќе цели на клучните сектори, како што се производството, градежништвото, транспортот и деловните услуги.

Освен ударот врз приходите на Москва, главниот фокус на Г7 е затворање на дупките во санкциите и зајакнување на спроведувањето, особено во однос на трети земји преку кои Русија увезува забранети стоки.

Г7 сака да ја ограничи руската трговија со дијаманти Bloomberg Mercury

Како дел од овие напори, Г7 исто така ќе објави дека членките ќе работат заедно за да ја ограничат трговијата со руски дијаманти и да преземат мерки против земјите за кои веруваат дека материјално ги поддржуваат воените дејства на Москва.

Во моментов нема коментари за веста. Биди прв да коментира...

Остави коментар