.webp){kind=icon}
Од утрово колони возила чекаат за влез во Грција меѓу нив најмногу има македонски и српски туристи. Метеж има и на двата гранични премини за излез од Македонија кон јужниот сосед, „Богородица“ и „Дојран“. Но, хаосот е поголем на граничниот премин „Богородица“ каде патниците велат дека чекаат предолго.
Колкави се колоните за влез во Грција се гледа и на видео камерите на Јавното претпријатие за државни патишта (ЈПДП) кои во живо ги следат случувањата на наплатните рампи низ земјава и граничните премини.
Видео камери на ЈПДП
„Чекаме веќе саат и пол и сè уште не се гледа границата. Се чека во четири колони, кои на моменти се претвораат во пет поради многуте коли кои сакаат да се протнат. Покрај македонските возила, најбројни се српските“, изјави еден возач од Скопје за порталот „Сакам да кажам“.
Прочитај повеќе
Од туристите на поминување ќар имаат само патарините и Дојран
Единствениот систем за наплата на патарини меѓу Македонија и Србија не почна со работа на 1 јуни.
14.06.2023
Од Авто мото Сојузот на Македонија (АМСМ) велат дека со почетокот на туристичката сезона, зголемено е чекањето на граничните премини.
„На граничниот премин „Богородица“ за излез од земјава се чека час и половина, а на граничниот премин „Дојран“ околу еден час. На останатите гранични премини од македонска страна нема подолги задржувања за влез и излез од земјава“, соопшти Автомото сојузот на Македонија.
