.webp){kind=icon}
Големата порота во сојузната американска држава Џорџија го обвини Доналд Трамп за обид да ги смени резултатите од изборите во САД во 2020 година, јавија британските медиуми.
Медиумите забележуваат дека ова е четврто обвинение поднесено против поранешниот американски претседател.
Тужбата, поднесена во Окружниот суд Фултон, од обвинителката Фани Вилис, може да ги продлабочи правните проблеми на Трамп, кој е водечки кандидат за номинација на Републиканската партија за претседателските избори во 2024 година, додаваат британските медиуми.
Обвинителите поднесоа 11 обвиненија против Трамп и неговите соработници, вклучувајќи и фалсификување и рекетирање од страна на организирана криминална група.
Обвиненија се поднесени и против 10 соработници на Трамп, вклучувајќи ги и неговите поранешни адвокати Руди Џулијани и Џон Истман и поранешниот шеф на кабинетот на Белата куќа, Марк Медоус.
Bloomberg
Тужбата се темели на телефонски повик од 2 јануари 2021 година, во кој Трамп го притиска највисокиот изборен функционер во државата Џорџија, Бред Рафенспергер, да „најде“ доволно гласови за да го поништи неговиот тесен изборен пораз во државата.
Рафенспергер одби да го стори тоа.
Четири дена подоцна, следуваше бура во Капитол, во која гневните поддржувачи на Трамп се обидоа да ја спречат конгресната потврда за победата на Џо Бајден, потсетуваат британските медиуми.
