Бројот на загинати во конфликтот меѓу Израел и милитантната група Хамас надмина 1.100, бидејќи борбите влегуваат во третиот ден. Нафтата порасна за четири оттсто поради стравувањата дека тензиите би можеле да се прелеат на поширокиот Блиски Исток, oд каде што доаѓа речиси третина од глобалното снабдување. САД испраќаат воени бродови во регионот.
Повеќе од 700 Израелци, повеќето цивили, беа убиени во нападите што избувнаа рано во саботата кога Хамас истрела ракети кон јужен Израел од Појасот Газа, а потоа испрати борци преку границата. Околу 400 Палестинци загинаа во борбите и одмаздничките напади врз Газа.
Операцијата на Хамас - која вклучуваше земање на десетици израелски заложници - беше најголемиот воен и разузнавачки неуспех на Израел во последните 50 години. Израел вели дека нема да запре додека не се расклопи воената инфраструктура на Хамас, нешто што најверојатно ќе вклучи копнена инвазија и ќе трае со месеци. Израел го обвини Иран, но западните власти не сакаа јавно да го вперат прстот кон директното учество на Техеран.
Најмалку четворица Американци се убиени во конфликтот меѓу Израел и Хамас, изјави лидерот на мнозинството во Сенатот Чак Шумер.
„За жал, знаеме дека бројот ќе се зголеми“, рече тој, додавајќи дека САД го вршат сиот притисок врз Иран и неговите полномошници да обезбедат ситуацијата да не се претвори во регионален пожар.
.webp){kind=icon}
