Путин тргнува во лов на руски имот

Владимир Путин тргнува во лов на имот, наредувајќи им на службениците да пронајдат руски средства што некогаш припаѓале на поранешнате империја или биле во сопственост на Советскиот Сојуз.

Со наредбата, рускиот претседател додели финансии за државна единица која ќе има цел да изврши пребарување на имот во странство и да обезбеди регистрирање на правата на сопственост на Русија. Во документот не е наведена големината на буџетот за операцијата или каков вид на имот се бара.

Иако не е јасно што ја поттикна наредбата, интересот на Путин за поранешните империјални поседи веројатно нема да ја намали загриженоста за неговите амбиции меѓу соседните држави, откако руската инвазија на Украина ја наруши европската безбедност.

На својот врв, Руската империја се прошири на териториите на модерна Полска и балтичките држави Естонија, Латвија и Литванија, како и Финска. Се распадна под притисокот на Првата светска војна и болшевичката револуција од 1917 година, предводена од Владимир Ленин, која го одбележа раѓањето на комунистичката држава.

Советскиот Сојуз, формиран во 1922 година, покриваше голем дел од поранешната територија на империјата, со исклучок на Полска и Финска, додека не се распадна во 1991 година кога конститутивните републики на Балтикот, Кавказот, Украина, Белорусија и централна Азија станаа независни.

Во моментов нема коментари за веста. Биди прв да коментира...

Остави коментар