Кинескиот претседател Шји Џјинпинг од 5 до 10 мај ќе ги посети Франција, Србија и Унгарија, соопшти во понеделникот кинеското министерство за надворешни работи.
Кинескиот претседател ќе престојува во официјална посета на Србија на 7 и 8 мај, а домаќин ќе биде српскиот претседател Александар Вучиќ, соопшти во понеделникот прес-службата на српскиот претседател.
Вучиќ се сретна со Шји во октомври минатата година во Пекинг, за време на третиот форум „Појас и пат“, кога беше потпишан договорот за слободна трговија меѓу Србија и Кина, се наведува во соопштението.
Bloomberg
Како што веќе објави „Блумберг“ (Bloomberg), Џјинпинг ќе престојува во Белград на 7 мај, а последен пат ја посети Србија во 2016 година, што беше прва посета на кинескиот претседател на Србија по 32 години.
Некои од важните економски теми ќе бидат договорот за слободна трговија меѓу Србија и Кина, како и новите инвестиции на „Зијин“ (Zijin) и ХБИС (HBIS), објави „Блумберг Адрија“. Кина е еден од најважните инвеститори, бидејќи кинеските инвестиции, вклучувајќи ги и заемите за инфраструктура, достигнаа 18 милијарди евра на крајот на минатата година.
Кинескиот претседател ќе престојува во Унгарија од 8 до 10 мај, потврди во четвртокот Гергели Гуљас, шеф на кабинетот на премиерот Виктор Орбан. Се очекува тој да пристигне во Унгарија по посетата на Франција и Србија.
Унгарија ќе бара дополнителни средства за железницата меѓу Будимпешта и Белград, преку иницијативата „Појас и пат“, како и средства за нафтоводот меѓу Србија и Унгарија. Оваа пруга е завршена околу 40 отсто во Унгарија, додека српската страна го привршува својот дел и наскоро ќе започнат пробните тестови, а брзата линија меѓу Нови Сад и Суботица треба да биде пуштена во сообраќај од декември.
Врз основа на овие податоци, кинескиот претседател најверојатно европската турнеја ќе ја започне со посетата на Франција.
.webp){kind=icon}
