text size
Српскиот претседател Александар Вучиќ и кинескиот претседател Шји Џјинпинг во средата во Белград потпишаа заедничка изјава на двете земји за продлабочување и подигање на сеопфатното стратешко партнерство и градење заедница на Србија и Кина со заедничка иднина во новата ера.
Зборувајќи за потпишаните документи, Вучиќ истакна дека стратешките односи меѓу двете земји се движат кон однос на заедничка иднина, објаснувајќи дека тоа е документ кој претставува највисок облик на соработка и дека никој нема да може да го скрши челичниот пријателство меѓу Србија и Кина.
Beta/Predsedništvo Srbije/Dimitrije Goll
„Претседателот Џјинпинг ми рече дека Србија ќе има цврста поддршка за сите прашања покренати во Обединетите нации“, рече Вучиќ.
Тој ја истакна важноста на договорот за слободна трговска соработка, најави отворање директна авиолинија до Шангај, како и поврзување со градот Гуангжу. Тој наведе и дека се започнати разговори со кинеска компанија за воведување на летачки таксија во Белград до 2027 година и почетокот на саемот ЕКСПО.
Вучиќ извести дека Кина ќе дозволи 300 млади од Србија да студираат во таа земја, како и специјализација за 50 научници, посочувајќи дека ќе можат да се запознаат со кинеските технички достигнувања.
За време на официјалната посета на Белград, Шји рече дека Кина и Србија „заеднички ќе се спротивстават на хегемонијата и политиката на моќ“ и заеднички ќе се залагаат за фер пристап и правда, како и ќе работат на изградба на „светска заедница со заедничка иднина“. Политичката доверба на Пекинг и Белград е „силна како карпа“, рече тој.
о средбата на делегациите во палатата „Србија“ во присуство на Вучиќ и Шји, претставниците на државите размениле 28 документи за соработка.
Прочитајте повеќе за оваа тема на линкот.
.webp){kind=icon}
