Гордана Силјановска-Давкова има голема предност на претседателските избори

Првичните резултати од денешниот втор круг претседателски избори што Државната изборна комисија ги објавува на својата веб-страница покажуваат дека од обработени 54,62 проценти од гласачките места, води кандидатката на ВМРО-ДПМНЕ Гордана Силјановска-Давкова со освоени 257.220 гласа или 63,66 проценти, а Стево Пендаровски од СДСМ има 121.050 гласа или 29,96 проценти.

За претседател во вториот круг на гласање ќе биде избран кандидатот што ќе добие мнозинство од гласовите.

Претседателот на Државната изборна комисија, Александар Даштевски, вечерва изјави дека според податоците пристигнати до 18.30 часот, одзивот на изборите за шеф на државата бил 46,34 проценти.

Првичните резултати од гласањето добиени по електронски пат ДИК ги објавува сукцесивно, а резултатите од записниците од ОИК во рок од 12 часа по завршувањето на изборите.

Конечните резултати од изборите ДИК ги објавува во рок од 24 часа од денот на нивната конечност.

 

Во моментов нема коментари за веста. Биди прв да коментира...

Остави коментар