Испраќачите ги пренасочуваат бродовите додека Кина ги започна своите најжестоки воени вежби во последните децении околу Тајван, создавајќи логистички главоболки за глобалните синџири за снабдување.
Маневрите, објавени од Пекинг по посетата на претседателката на Претставничкиот дом на САД, Ненси Пелоси на Тајван, се одржуваат во шест различни области околу островот од четврток напладне по локално време, до недела. Кина ги советуваше бродовите и авионите да не се приближуваат до регионите каде што се одржуваат вежбите.
Bloomberg
Некои бродови продолжија да пловат низ Тајванскиот теснец во четвртокот, а неколку и натаму се во зоните за вежбање, според податоците собрани од Bloomberg. До пладне, имало приближно 15 пловни објекти во областите за вежбање, во споредба со 45 во истото време во средата. Немало бродови во областа во Тајванскиот теснец која е најблиску до кинеското копно.
Бродовите, исто така, се пренасочуваат околу источната страна на островот, што ќе создаде доцнења од околу три дена, проценуваат бродските брокери. Одложувања во тие рамки не се невообичаени, а долгорочниот ефект би можел да биде минимален доколку тензиите се намалат следната недела.
Сепак, ризиците за бродовите кои патуваат низ кинеските води може да се надополнат поради лошото време, што може да предизвика дополнителни одложувања. Градот Шенжен, дом на контејнерско пристаниште, лоциран западно од јужниот крај на Тајван, издаде предупредување за тропски циклон.
Тајванскиот теснец е клучна рута, а речиси половина од светската контејнерска флота годинава поминува низ него. Прекинот е само најнова непријатност за синџирите на снабдување, кои се разнишани од почетокот на пандемијата и руската инвазија на Украина.
.webp){kind=icon}
