Пазарот на труд во Словенија останува отпорен на тешките макроекономски услови. Во септември државата постигна нов рекорд во областа на невработеноста, од околу 2 милиони жители, нешто над 52.000 се без работа.
Во Заводот за вработување на крајот на месец септември се евидентирани 52.043 невработени лица, што е за 3,5 отсто помалку во однос на август и за 21,3 отсто помалку од септември претходната година. Минатиот месец во Заводот се регистрирале 4.962 невработени лица, што е за петтина повеќе од август и за 7,5 отсто повеќе од ланскиот септември. Податоците покажуваат дека меѓу новопријавените имало 786 лица кои за прв пат се пријавуваат како баратели на работа, 2.326 се невработени поради истечен работен однос на определено време, 38 се невработени поради стечај и 559 технолошки вишок.
Прочитај повеќе
Над 90 отсто од невработените се „функционално неписмени“
Иако стопанството е жедно за работници, невработените кои стојат на располагање се несоодветни и тоа е децениски проблем во земјава
09.09.2022
Ексклузивно Битиќи: Стапката на невработеност падна до 14,4 отсто
Стапката на невработеност до 2025 година ќе биде едноцифрена
08.09.2022
Во септември биле вработени или самовработени 4.567 лица. „Меѓу тие кои се вработиле, мнозинството биле секретари, продавачи, работници за едноставни работни места во производствени дејности, воспитувачи и помошници воспитувачи на деца од предучилишна возраст, предметни наставници во основните училишта, училници, чистачи, домашни и помошници во канцеларии, хотели и други установи, комерцијални продажни застапници, асистенти и магационери и службеници за набавки и продажба“, пишува во соопштението од Заводот за вработување.
Побарувачката за работна сила во Словенија останува висока. Поголем дел од слободните работни места се во секторите производство, градежништво, здравство и социјална заштита и образование, како и возачи на камиони.
Какви се изгледите за пазарот на труд во наредните месеци?
Енергетската криза најверојатно ќе ја втурне Европа во рецесија, а економиите во другите региони не се имуни на таквата состојба. „Кон крајот на годината очекуваме намалување на економската активност и големи промени на пазарот на труд во 2023 година, кога навистина ќе почне да се чувствува забавувањето на економијата“, напишаа аналитичарите на Блумберг Адриа во својот извештај на крајот од август.
Слично е мислењето и на Бојан Иванц, главен економист во Стопанската комора на Словенија, кој истакнува дека приватниот сектор веќе покажува неподготвеност поради неизвесните деловни услови, особено во преработувачката индустрија. Сепак, нема да бидат подеднакво погодени сите сектори, додава тој. „Градежните активности веројатно ќе ја зголемат вработеноста уште извесно време“, вели Иванц, кој не очекува големи промени на пазарот на труд, особено не во дејностите каде што има континуиран недостиг од работници.
.webp){kind=icon}
