.webp){kind=icon}
Словачкиот производител на батерии „Инобат“ (InoBat) ќе изгради гигафабрика за батерии во Ќуприја, каде што ќе произведува и рециклира батерии за електрични возила. По тој повод, во понеделникот беше потпишан меморандум за разбирање меѓу српското министерство за финансии и општината Ќуприја.
Оваа компанија соопшти дека проектот „Лајон“ (Lion) е во развој веќе две години со меѓународната корпорација ИФЦ (IFC) и дека тоа ќе биде нивна втора гигафабрика во Централна и Источна Европа.
Владата на Србија, како што е наведено, ќе ја субвенционира оваа инвестиција со 419 милиони евра, а таа ќе опфати решениja за складирање енергија (ESS), батерии за електрични возила (EV), како и капацитети за рециклирање батерии.
Инаку, како што беше претходно најавено, меѓу инвеститорите во оваа компанија е и „Рио Тинто“, која има план за експлоатација на литиум во Јадaр, но Владата на Србија пред речиси две години одлучи да го стопира тој проект.
Маријан Бочек, извршен директор на „Инобат“, објасни дека тие ја избрале Ќуприја како втора локација на компанијата во регионот на ЦИЕ поради гостопримливата и проактивна општинска власт. Ќуприја, како што се наведува во соопштението, има потенцијал за заеднички развој на дистрибуирана паметна мрежа и производство на електрична енергија од обновливи извори за самопотрошувачка.
Потегот го коментираше и премиерката на Србија.
„Задоволни сме што можеме да ја поддржиме инвестицијата на 'Инобат' во Србија, обезбедувајќи работни места во новата декарбонизирана циркуларна економија“, порача премиерката Ана Брнабиќ во соопштението на „Инобат“.
