.webp){kind=icon}
Бруто-домашниот производ (БДП) на Хрватска во првиот квартал од годинава е реално за 3,9 отсто повисок отколку во истиот период во 2023 година, според првата процена објавена во вторникот од Хрватскиот национален завод за статистика (ДЗС).
Споредено со претходниот квартал, БДП порасна за еден процент според сезонски приспособените податоци. Во претходниот квартал растот на годишно ниво беше 4,4 отсто, а на квартално два отсто.
За споредба, во целата еврозона БДП порасна за 0,4 отсто на годишна и 0,3 отсто на квартална основа во првиот квартал.
Растот од 3,9 отсто ја става Хрватска на врвот на еврозоната според годишниот раст во првиот квартал, бидејќи според последните податоци на „Евростат“, најголем раст е забележан на Кипар (3,3 отсто).
Според пресметките на тамошниот завод за статистика, во однос на истиот период лани, потрошувачката на домаќинствата пораснала за шест отсто, а државната потрошувачка пораснала за еден отсто.
Бруто-инвестициите во постојан капитал се повисоки за 10,8 отсто, извозот на стоки и услуги е намален за два отсто, а увозот е поголем за 2,2 отсто.
