Бурна реакција на пазарите по одлуката на Фед за трето по ред намалување на каматните стапки за 25 базични поени. Намалувањето беше очекувано, тоа што ги изненади пазарите и ги принуди да бегаат од ризични инвестиции е најавата на првиот човек на Фед, Џером Пауел, дека централната банка ќе го запре намалувањето на каматните стапки во 2025 година. Инвеститорите очекуваа две-три намалувања следната година.
Додека глобалните индекси црвенеат, македонскиот МБИ10 го урна сопствениот рекорд. Вчера достигна 10.077 и го надмина претходниот историски максимум од 10.057,77 индексни поени, кој беше постигнат на 31.8.2007 година, кога Македонската берза ги доживеа своите најдобри денови.
Прочитајте повеќе:
Хари Костов и Илија Илоски – последните мохиканци што не се откажуваат од своето чедо
ББА-прогноза: Македонија на трето место во регионот по раст на БДП во 2025 година
И македонската централна банка неделава ја намали каматната стапка по третпат годинава. Анализиравме колку ќе поевтинат кредитите и дали се исплати рефинансирање.
НБРМ се одлучи за кратење на каматата и покрај забрзувањето на инфлацијата. Од банката велат дека растот на трошоците за живот на 4,3 отсто бил очекуван. Зголемената инфлација не е изненадување ниту за граѓаните, со оглед на цените што мора да ги платат. Поскапело сѐ, покажа нашата анализа. Растот на платите не може да се трка со растот на цените, па бројките покажуваат дека сме скратиле дури и на јадење.
А растот на цените не престанува. Земјоделските производи во земјава поскапуваат и при исти трошоци за производство. На светските берзи, пак, какаото и неделава урна уште еден сопствен рекорд.
Прочитајте повеќе:
Не стивнува еуфоријата за лекови за слабеење: Некои стигнале до анорексија
Златна треска го обележи спортот во 2024 година: Кој заработи најмногу?
Во вакви услови, работниците преку граница бараат подобар живот. Германската статистика покажува дека 156.845 лица од Македонија живеат во Германија. Оваа бројка е двојно поголема отколку пред десет години. Какви ќе бидат трендовите во иднина не зависи само од висината на платите во земјава туку и од условите за живот и работа воопшто.
Затоа нема да се брза со новиот закон за работни односи, кој ќе мора да биде визионерски, да балансира меѓу економскиот раст и предизвиците на пазарот на трудот со кои земјава ќе се соочи во следните десет години, коментираше за „Блумберг Адрија“ извор од македонската влада што е активно вклучен во подготовките на трудовата регулатива.
Прочитајте повеќе:
Пред да биде предоцна: Новогодишен календар за зајакнување на вашата дигитална одбрана
Супермен не е осамен меѓу предизвиците на Тикток: Децата се во главна улога
Крајот на декември вообичаено е време за ретроспективи. Анализиравме кои се највредните компании во годината што изминува. Проверивме кои дестинации биле најпопуларни во авиосообраќајот годинава. Пишувавме и за новите линии до кои во 2025 година ќе можете да летате од Скопје.
Направивме и преглед на новите производи што ќе ви го олеснат новогодишното патување. Со оглед на тоа дека веќе почна предновогодишната треска, побаравме предлози од Гугл за подароци, а ве советуваме и како да одберете совршен корпоративен подарок.
.webp){kind=icon}
