Трите најголеми банки лани имаат вкупен профит од речиси 200 милиони евра. Анализираме колку растат приходите од провизии и надоместоци на банките, но и колкави се нивните профитни маржи споредено со банките во регионот и на светско ниво.
Под лупа го ставаме Законот за нефер трговски практики, кој би требало да донесе стабилизирање на цените во малопродажбата. Прашуваме кога ќе почне персоналниот данок да оди во касата на општините и до каде е дефинирањето на висината на јаглеродна давачка која наскоро ќе треба да ја плаќаат македонските компании.
Пругите за брзи возови во ЕУ се зголемиле за 8.556 километри во 2023 година, а до 2027 година Кина ќе има мрежа на „сребрени возови“, со комплет услуги за постари лица. Во Македонија повторно тргна возот Скопје-Куманово, а наводно ќе има возови уште до пет града. Откриваме зошто има долгогодишен застој во развојот на железницата во Македонија. Анализираме дали во дадените геополитички услови е побезбедно да се штеди во долари или во евра.
Претставуваме како работат електричните автомобили во зимски услови односно кои имаат најдобри перформанси. Бележиме што донесе првиот месец од 2025 година на пазарот на капитал во Македонија и анализираме какви се очекувањата за цените на суровините по заканите за трговска војна.
.webp){kind=icon}
