Ден по Велигден католичкиот свет го изгуби својот духовен водач. Папата Франциск почина во понеделникот, на 88-годишна возраст, по долго боледување. Ден претходно успеа да ги поздрави верниците од балконот на базиликата „Свети Петар“ и да го испрати благословот „Урби ет орби“.
Папата Франциск е прв папа што ја посетил земјава. Ќе остане запомнет поради својата скромност, фокусот на сиромашните и напорите да ја направи Католичката црква поотворена кон светот. Тој спроведе и револуционерната финансиска реформа, со која им ги пресече финансиските крила на кардиналите.
Погребот на папата Франциск ќе се одржи в сабота, кога во Ватикан се очекува да пристигнат околу 200 светски лидери.
На погребот на папата е најавено присуството на Доналд Трамп. Американскиот претседател, кој веќе ги измори инвеститорите со своите променливи политики, почна да предизвикува рамнодушност најавувајќи царини, па премислувајќи се. И со првиот човек на Фед „игра“ на истиот начин. Го притиска да ги намали каматите, се заканува дека ќе го смени, па потоа вели дека нема да го менува. И така, поминаа 100 дена од вториот мандат на Трамп.
Прочитајте повеќе:
Кои нови американски тарифи се на сила, кои на пауза, а кои се крчкаат?
Нема веќе давање пари за дополнителни часови по математика, дојде „Умниверзум“
Единствено што е јасно од политиките на Трамп е дека нема да ги зголеми даноците за најбогатите граѓани на САД затоа што тоа би ги поттикнало да ја напуштат земјата.
А еден од најбогатите изгуби најмногу откако влезе во неговиот кабинет. Илон Маск сега најавува, на задоволство на акционерите на „Тесла“, дека ќе се врати во компанијата, која ја запостави откако влезе во администрацијата на Трамп. Од јануари досега акциите на „Тесла“ паднаа за над 40 отсто.
Во ова време на нестабилност најмалку паднаа акциите на Ворен Бафет. Неговиот „Беркшир Хатавеј“ постигна рекордна пазарна капитализација од 1.200 милијарди долари и покажа натпросечна изведба целата мината година и во првиот квартал од оваа, дури и во април. Анализиравме какви се инвестициските предизвици и можности во турбулентни времиња.
Прочитајте повеќе:
Кои се најголемите „газди“ меѓу акционерите во друштвата од МБИ10?
Зошто друштвата добиваат јавни опомени од Македонската берза?
Неделава ги анализиравме можностите што ги нуди Линкдин за тој да работи во наша полза. Нашата анализа покажа дека тоа е не е само мрежа за испраќање биографии и наоѓање нова работа.
Анализиравме и како вештачката интелигенција влијае на секторот човечки ресурси. Заклучокот е дека наместо да е локомотива за иновации во фирмата, тој не ги користи придобивките од новите технологии.
Прочитајте повеќе:
На банките им оди одлично, но 2024 година нема да им се повтори
Револуција на небото – каде e регионот Адрија во трката за беспилотни летала
И кога сме кај вештачката интелигенција, еден совет: не заблагодарувајте му се на ЧетГПТ. Учејќи да стане љубезен, тој троши многу струја.
.webp){kind=icon}
