Прашуваме дали македонските граѓани купуваат повеќе злато поради трендот на раст на вредноста на овој скапоцен метал, но и дали Народната банка размислува за купување злато за девизните резерви.
Анализираме какви беа трендовите на Македонската берза во првиот месец од годинава односно како нашиот пазар реагира на глобалните текови.
Со оглед на тоа што земјите од регионот Адрија се меѓу светските рекордери по зголемувањето на просечната плата во текот на минатата година, анализираме дали луѓето живеат подобро и како тоа влијае на инфлацијата.
Даваме преглед на работењето на енергетските компании на глобално ниво од аспект на побарувачката за енергија за центрите за податоци и вештачката интелигенција и анализираме како работат домашните енергетски компании.
Прашуваме зошто нема голем интерес за доброволните пензиски фондови и кои се причините што штедните влогови во банките се уште се најбаран начин за финансиска сигурност иако каматите се ниски и парите обезвреднуваат поради високата инфлација.
Истражуваме дали македонските општини имаат капацитет за воведување паметни улични осветлувања, парно од геотермални води и други „зелени“ проекти.
.webp){kind=icon}
