Британските купувачи усвојуваат нова стратегија во обид да заштедат при своето неделно купување намирници: се префрлаат на трајни производи.
Клиентите на Tesco од неодамна повеќе купуваат замрзнат зеленчук, риба и пица. Некои од купувачите во најголемиот трговски ланец исто така, се префрлаат на тестенини и конзервирана супа. И конкурентските трговци забележаа сличен тренд.
Потрошувачите кои се соочуваат со зголемени сметки за намирници и енергија се принудени да станат креативни, а дел од тоа е и префрлањето на артикли кои можат да бидат поевтини и помалку да се расипуваат, исто така се повеќе прифаќаат стоки со попуст и сопствен бренд од супермаркетите наместо познати брендови.
„Луѓето се многу свесни за вредностите“, вели Ричард Вокер, извршен директор на дисконтот „Iceland“, во телефонско интервју. „Замрзнатата храна е поевтина и има помалку отпад -- а буџетите сега се многу намалени. Замрзнатиот зеленчук, пити и месо се чини дека се особено популарни.
Bloomberg
Во меѓувреме, продажбата на замрзната храна во ланецот е подобра од продажбата на разладена храна. Севкупно, продажбата на замрзнат зеленчук порасна за 10 отсто на годишно ниво, надминувајќи го растот од 6 отсто на свеж зеленчук, покажуваат податоците на аналитичката компанија Кантар.
Британските потрошувачи се борат со највисоката инфлација во последните четири децении. Инфлацијата на цените на храната достигна скоро 14 отсто претходно овој месец, велат од Кантар, што е највисоко ниво откако почнаа да ги следат податоците во 2008 година.
Фрејзер МекКевит, шеф на малопродажбата во Кантар, вели дека може да има „поголемо придвижување“ кон замрзнатата храна, иако не очекува револуција.
Тој истакна дека конзервираната стока, исто така, се покажува попопуларна поради слични причини, при што продажбата е зголемена за околу 6 отсто.
Bloomberg
„Луѓето можат да купат на големо одеднаш и да не мора ништо да фрлаат надвор“, вели МекКевит во телефонско интервју.
Традиционално, британските потрошувачи го вртат носот на замрзнатите понуди, за разлика од Франција каде синџирот замрзната храна Пикард обезбедува домашни намирници.
„Birdseye и Iceland со години се обидуваат да ги сменат работите “, вели Киен Тан, директор за стратегија за малопродажба во сметководствената фирма PwC.
„Постои проблем со перцепцијата околу замрзнатата храна. Но, моментот можеби е вистинскиот за промена на работите“.
Студијата нарачана од Iceland Foods во 2018 година покажа дека повеќето семејства сметаат дека замрзнатата храна нуди околу 30 отсто подобра вредност од свежата храна и дека го намалува отпадот од храна за речиси половина. Дури и ако трендот продолжи, супермаркетите веројатно нема да го зголемат просторот што го посветуваат на замрзната стока. Причина за ова се големите трошоци за енергија, па користењето на повеќе замрзнувачи може да биде скапо.
.webp){kind=icon}
