.webp){kind=icon}
Европската централна банка (ЕЦБ) по втор пат ги зголеми цените за задолжување за 75 базични поени, во согласност со очекувањата на аналитичарите и на пазарот.
По седницата одржана денеска, каматата на депозитите ќе изнесува 1,5 отсто, каматата на главните операции за рефинансирање е два отсто, а на кредитите преку ноќ 2,25 отсто, се вели во соопштението на банката. Така, клучната стапка се искачи на два отсто по повеќе од една деценија (за првпат од 2009 година), кога ЕЦБ реагираше на негативните последици од светската економска криза.
ЕЦБ со ново зголемување во услови на рекордна инфлација / Bloomberg
Мерката е наскочена кон рекордната инфлација, а во услови на веројатна рецесија.
Прочитај повеќе
„Блумберг Адрија“ предвидува: ЕЦБ ќе ја зголеми камата на 2 отсто
Аналитичкиот тим на „Блумберг Адрија“ прогнозира дека по состанокот на Извршниот одбор на банката стапката ќе се искачи на два отсто за првпат од 2009 година.
26.10.2022
ЕЦБ пред ново покачување, уште колку ќе растат каматите?
Европската централна банка (ЕЦБ) денеска ќе изврши уште едно зголемување на каматните стапки во борбата против инфлацијата.
27.10.2022
Марковски: На пазарот на капитал има оптимизам и покрај растот на каматите
Познавачите на пазарот на капитал очекуваат наскоро стабилизација на каматните стапки
27.10.2022
„Економската активност во еврозоната веројатно значително ќе забави во третиот квартал“, рече претседателката na ЕЦБ, Кристин Лагард на прес-конференцијата. „Очекуваме дополнително слабеење во остатокот од годинава и почетокот на следната година“, додаде таа.
Минатиот пат, кога каматната стапка беше два отсто, невработеноста во еврозоната беше за два процентни поена повисока од денешната. На крајот на 2008 година, бројот на невработени во еврозоната изнесуваше 8,6 отсто, додека овој удел сега е помал и изнесува 6,6 отсто. Тоа би требало да значи дека ЕЦБ е во малку полесна ситуација од тогаш.
„Инфлацијата останува премногу висока и ќе остане над целта подолг период“, се вели во соопштението на ЕЦБ.
Извршниот одбор посочи дека „очекува натамошно зголемување на каматните стапки“, отфрлајќи го претходното навестување дека зголемувањата ќе продолжат „на неколку наредни состаноци“.
Економијата е насочена кон рецесија додека инфлацијата и натаму расте / Bloomberg
Како што се очекуваше, централната банка не донесе нови одлуки за продажба на обврзници од своето портфолио.
Официјалните лица ги заострија условите за повеќе од две илјади милијарди евра ултра евтини заеми на банките од периодот на пандемијата познати како TLTRO. Договорите станаа проблематични откако неодамнешните брзи зголемувања на каматните стапки им овозможија на банките да депонираат TLTRO готовина на сметките на ЕЦБ и да генерираат приход без ризик.
Ретроактивното менување на условите носи правни ризици и ќе ги натера банките да бидат претпазливи за слични потези во иднина. Главниот финансиски директор на Deutsche Bank, Џејмс фон Молтке, во средата рече дека би бил „разочаран“ доколку се прилагодат условите, бидејќи банките со добра волја потпишале договор за да го задржат протокот на кредити.
Со денешната одлука за каматните стапки, ЕЦБ се приближува до британската централна банка, која ја зголеми стапката на 2,25 отсто, но сепак е зад ФЕД во САД каде трошоците за позајмување се зголемени на 3,25 отсто.
Најновите изјави на официјалните лица укажуваат дека централната банка на САД, би можела да ги зголеми каматните стапки за 75 базични поени по четврти пат.
