Банката на Англија (BoE), централна банка на Британија, ги зголеми каматните стапки деветти пат по ред на 14-годишен максимум од 3,5 отсто, продолжувајќи со напорите за скротување на високата инфлација.
Во деветчлениот Комитет за монетарна политика имаше три различни става во однос на покачувањето, со различни гледишта на функционерите за тоа како да се балансира ризикот од вкоренување на инфлацијата, така што да не се притисне премногу силно на растот токму кога економијата влегува во рецесија.
Шест члена, вклучувајќи го и гувернерот Ендрју Бејли, гласаа за зголемување од половина поен. Кетрин Ман се залагаше за 75 базични поени, додека Силвана Тенрејро и Свати Дингра бараа стапките да останат непроменети.
Прочитај повеќе
И Банката на Англија ги подигна стапките за 75 базични поени
Банката на Англија ја зголеми референтната каматна стапка за 75 базични поени, одлучувајќи се за вакво покачување на трошоците за позајмување за првпат по 33 години.
03.11.2022
ФЕД намали на покачување од половина поен, но каматите ќе останат високи
ФЕД конечно го намалија брзото темпо на зголемување на каматните стапки.
14.12.2022
„Мнозинството од Комитетот оцени дека, доколку економијата се движи во согласност со проекциите од извештајот за монетарна политика во ноември, може да бидат потребни дополнителни зголемувања на банкарската стапка“, напиша Бејли во писмо до министерот за финансии Џереми Хант.
Со политиката на BоE стапките во Британија остануваат пониски од оние во САД / Bloomberg
Основната стапка од март 2020 година до крајот на 2021 година изнесуваше 0,1 отсто. Референтната каматна стапка последен пат беше на ова ниво во 2008 година.
Стапката на инфлација во ноември падна на 10,7 отсто, под октомвриските 11,1 отсто, но и пониско од очекувањата на економистите. Од друга страна, тоа нема многу да ја придвижи дебатата за каматните стапки во BoE, каде што официјалните лица очекуваат инфлацијата да остане над целта од два процента до 2024 година и покрај тоа што економијата запаѓа во рецесија.
.webp){kind=icon}
