Голем број сопственици на домови треба да ги рефинансираат своите хипотеки во наредната година.
Но, некои може да бидат доведени во ситуација да плаќаат десетици илјади фунти повеќе за новиот станбен кредит отколку што би плаќале ако договорот го склучеа пред една година.
Низата зголемување на основната стапка на Банката на Англија во последните 12 месеци ги зголеми трошоците за позајмување. Должниците кои имаа кредити со променлива стапка веднаш ги почувствуваа непосредните влијанија од растот на основната стапка, оние пак, со фиксна камата не се зголемија, но тоа ќе се случи кога ќе склулуваат нови договори.
Здружението „Ју Кеј Фајненс“ (UK Finance) соопшти дека околу 1,8 милиони хипотекарни договори со фиксна стапка завршуваат во 2023 година.
Некој што зел хипотекарен кредит од 200.000 фунти во декември 2022 година би плаќал околу 1.269 фунти месечно за двегодишна хипотека со фиксна стапка, во споредба со околу 881 фунта месечно ако договорот бил склучен една година порано, покажуваат пресметките на „Манифактс“ (Moneyfacts.co.uk). Ова значи дека за време на двегодишниот договор, промената на каматата ќе придонесе кредитокорисникот кој се задолжил годинава да плати платат околу 9.310 фунти повеќе.
Некој со хипотека од 200.000 фунти со петгодишна фиксна стапка може да се соочи со плаќање на околу 1.249 фунти месечно, врз основа на пресметките направени во декември 2022 година. Пред една година, сумата би изнесувала околу 911 фунти месечно. Во текот на петгодишниот период разлика во трошоците ќе изнеусва околу 20.000 фунти.
Пресметките се засновани на 25-годишен рок на хипотеката и се споредувани просечните стапки на 9 декември 2022 година со оние од 1 декември 2021 година.
Просечната двегодишна фиксна стапка на 1 декември минатата година изнесуваше 2,34 отсто, но до 9 декември годинава беше 5,84 отсто.
Просечната петгодишна фиксна стапка на пазарот на 1 декември 2021 година изнесуваше 2,64 отсто. На 9 декември 2022 година изнесуваше 5,67 отсто.
Стапките на хипотеките исто така варираат од ден на ден и се под влијание на неколку фактори.
Податоците уште покажуваат дека, во деновите по најновото зголемување на основната стапка на Банката на Англија, на 15 декември, просечната двегодишна хипотека со фиксна стапка благо се намали, од 5,83 отсто на 5,82 отсто.
Просечната петгодишна хипотека со фиксна стапка остана непроменета, на 5,63 отсто, во периодот помеѓу 15 и 19 декември.
Рејчел Спрингал, експерт за финансии на „Мануфактс“ вели дека кредиторите полека ги намалуваат нивните фиксни камати.
„Сепак, оние со ограничени депозити може да седат на оградата малку подолго за да го купат својот прв дом бидејќи трошоците за живот го земаат својот данок“, рече таа.
„Позајмувачите можеби ќе претпочитаат да склучат договори за долгорочна хипотека со фиксна стапка во текот на 2023 година поради распространетите каматни несигурности во последните месеци, но тоа, сепак ќе зависи од нивните околности“.
„Бидејќи хипотекарниот пазар останува нестабилен, должниците бараат независен совет за да ги разгледаат договорите што им се нудат. Другото сценариот е да бидат малку трпеливи со надеж дека стапките дополнително ќе паднат“.
Хипотекарните должници, исто така, имаат помал избор на можности отколку што имаа пред околу една година.
На 1 декември 2021 година, на пазарот имало 5.315 договори за хипотека. Но, до средината на декември 2022 година имаше нешто помалку од 3.800 зделки. Сепак, бројот на договори е зголемен споредено со октомври годинава кога изнесуваше 2.258.
Главните директори на банките кои покриваат повеќе од 70 отсто од пазарот, повторно се обврзаа да ги заштитат должниците со тоа што ќе им овозможат да се префрлат на нова хипотека со фиксна стапка, кога нивниот тековен договор ќе заврши, доколку се редовни со плаќањето.
Хипотекарните заемодавачи, исто така, треба да им обезбедат на клиентите навремени информации за промените на стапката.
„Ју кеј Фајненс“ предвидува зголемување на заостанатите долгови за хипотекарните кредити од почетокот на 2023 година, како и зголемување во текот на годината, но и во 2024 година.
Се очекува бројот на домаќинствата со заостанати долгови следната година да достигне 98.500, што претставува околу еден отсто од неподмирените хипотеки.
Конфискацијата на имотите скромно се зголеми во 2022 година, бидејќи кредиторите и судовите работеа на случаите насобрани за време на пандемијата на коронавирус.
„Ју кеј Фајненс“ очекува овој тренд бавно да продолжи во текот на следните две години.
Портпаролот на Министерствто за финансии на Обединетото Кралство вели дека голем број кредитокорисници ќе треба да ги рефинансираат кредитите следната година.
„Би ги охрабриле клиентите да разговараат со пазарен советник за хипотека за да видат кои опции најдобро одговараат на нивните околности. Како и секогаш, сите клиенти кои ќе се најдат во потешкотии треба да разговараат со својот кредитор во рана фаза, бидејќи индустријата е подготвена да помогне со низа опции кои можат да се прилагодат за да одговараат на околностите на индивидуалните клиенти.
.webp){kind=icon}
Во моментов нема коментари за веста. Биди прв да коментира...