.webp){kind=icon}
Претседателката на Европската централна банка Кристин Лагард посочи дека трошоците за задолжување повторно ќе се зголемат, велејќи дека тоа е потребно за да се ублажи зголемениот раст на потрошувачките цени.
„Во моментов, стапките на ЕЦБ мора да бидат повисоки за да се спречи инфлацијата и да се сведе на нашата цел од 2 отсто“, изјави Лагард за хрватскиот весник „Јутарњи лист“.
„Тој процес е од суштинско значење бидејќи би било уште полошо доколку дозволиме инфлацијата да се вкорени во економијата“.
ЕЦБ ги зголеми каматните стапки за 250 базични поени оваа година и креаторите на политиката, вклучително и Лагард, рекоа дека ќе има нови зголемувања, при што пазарите и економистите очекуваат чекори од половина поен на следните два состаноци.
Додека агресивниот раст на стапките доаѓа во момент кога се бележи економски пад во регионот, претседателката на ЕЦБ истакна дека „рецесијата од која се плашевме веројатно ќе биде краткотрајна и плитка“, цитирајќи ги најновите прогнози на нејзината институција.
„Не смееме да дозволиме инфлаторните очекувања да се ублажат или платите да имаат инфлаторен ефект“, рече Лагард.
„Знаеме дека платите се зголемуваат, веројатно со побрзо темпо од очекуваното, но мора да бидеме претпазливи да не почнат да ја поттикнуваат инфлацијата“.
