.webp){kind=icon}
Инфлацијата во Швајцарија неочекувано забави во декември, пред растот на цените на електричната енергија и здравственото осигурување што се очекува да предизвика пораст овој месец.
Потрошувачките цени се зголемија за 2,8 отсто во споредба со претходната година, објави во средата Федералното биро за статистика. Тоа е под претходните податоци и просечната прогноза од три отсто во анкетата на Блумберг. Базичната инфлација забрза на два отсто.
Bloomberg
Поради високиот удел на регулираните цени во швајцарската економија, податоците веројатно се само одложување пред новото забрзување во јануари. Новата година им овозможува на комуналните претпријатија да ги приспособат цените и тие веројатно ќе ги пренесат зголемените трошоци на потрошувачите, сметаат економистите.
Државниот регулатор ЕЛКОМ предвиде дека електричната енергија - во просек - ќе поскапи за 27 отсто за домаќинствата. Просечната премија за здравствено осигурување треба да се зголеми за 6,6 отсто, покажуваат податоците.
Иако инфлацијата падна од врвот од 3,5 отсто во август, таа сега е над горната граница на Швајцарската национална банка од два отсто речиси една година и во просек изнесува 2,8 отсто за 2022 година. Каматните стапки се зголемени за 175 базични поени и се навестува ново зголемување во март.
