Дени Бленчфлауер, поранешен функционер во Банката на Англија (BoE), вели дека „падот“ на цените на недвижностите ќе ја турне централната банка на Британија во брз пресврт кон намалување на каматните стапки.
Бленчфлауер, професор по економија на колеџот „Дартмут“, смета дека BoE ќе мора „да реагира на навистина лошите податоци“, бидејќи претходните зголемувања на стапките сè повеќе се одразуваат на економијата.
За време на својот мандат во Одборот за монетарна политика на BoE, помеѓу 2006 и 2009 година, Бленчфлауер се залагаше за пониски каматни стапки, повеќе од повеќето други банкари. Тој исто така рече дека BоE требало да ги намали каматните стапки на минатонеделниот состанок, кога Одборот го поддржа десеттото последователно зголемување.
Прочитајте повеќе: Банката на Англија ја зголеми клучната стапка на 4 отсто
Пазарот на недвижности нагло забави по еуфоричните врвови за време на пандемијата, со пад на цените, а и на одобренијата за хипотекарни кредити.
„Сведоци сме на пад на цените на куќите“, рече Бленчфлауер во интервју за радиото „Блумберг“ во вторникот. „Наскоро ќе видите како ќе се појават навистина лоши работи, бидејќи економијата сè побрзо забавува, а потоа централната банка и пазарите ќе одговорат на тоа“, изјави тој.
„Кога седев во BoE, мојата работа беше да размислувам за тоа каква ќе биде инфлацијата за 18 месеци до две години подоцна, а стапките се менуваат сега, бидејќи е потребно време за да се постигне ефект“.
„Она што треба да го очекуваат луѓето е колапс на пазарот на недвижности, забавување на економијата, а причината е што овие покачувања на каматните стапки, кои се лудо високи, сè уште навистина не се одразиле на економијата“, заклучува Бленчфлауер.
.webp){kind=icon}
