.webp){kind=icon}
Инфлацијата во Европа го достигна врвот и постепено се намалува, изјави во петокот потпретседателот на Европската комисија, Валдис Домбровскис.
Економијата се држи подобро од очекуваното, но предизвиците остануваат, рече тој на маргините на неформалниот собир на министрите за финансии на ЕУ и гувернерите на централните банки во Стокхолм во петокот.
„Сега гледаме дека растот оваа година ќе биде во опсег од 0,8 до 0,9 отсто и исто така гледаме дека инфлацијата го достигна врвот и постепено се намалува“, додаде тој. „Очигледно се уште не сме излезени од шумата, има уште многу предизвици со кои треба да се соочиме“.
