Европската комисија ја зголеми својата процена за инфлацијата во еврозоната и предупреди на постојани предизвици дури и во услови на отпорност на економијата на регионот. Наведувајќи ја силата на основните притисоци, претставниците на Европската Унија (ЕУ) ги зголемија своите проекции за раст на потрошувачките цени на 5,8 проценти за оваа година и 2,8 отсто за 2024 година од претходните 5,6 и 2,5 проценти соодветно. Прогнозите за економска експанзија исто така се зголемени за набљудуваниот период.
Bloomberg Mercury
Клучно за повисоките изгледи за инфлацијата е зголемувањето од 0,75 проценти во оценката на Комисијата за таканаречената базична инфлација, која ги исклучува нестабилните елементи како што е храната. Според бриселските власти, таа мерка ќе го надмине главниот мерач за раст на цените и оваа и следната година.
Проекциите го нагласуваат предизвикот со кој се соочуваат креаторите на политиките на Европската централна банка (ЕЦБ). Тие ги зголемија референтните трошоци за позајмување за 375 базични поени во обид да ја скротат инфлацијата и сега може да се оддалечат од американските Федералните резерви (ФЕД), бидејќи пресметаа дополнителни зголемувања поради стравот дека основниот раст на цените трае.
„Основната инфлација постепено ќе се намалува, бидејќи профитните маржи ги апсорбираат повисоките плати, а построгите услови за финансирање се покажаа ефикасни во заладувањето на побарувачката. Се очекува постојаните високи ценовни притисоци во услужните сектори, заедно со тие во секторот за преработувачка на храна и стоки, да ја одржат покачена основната инфлација“, соопшти денеска Комисијата.
Прогнозата на ЕУ за раст на основните цена оваа година сега е за половина процентен поен повисока од изгледите на ЕЦБ објавени во март. А, за следната година е само за 0,1 процент пониска. Прогнозите се пооптимистички за растот отколку претходните релативно страшни изгледи на Комисијата.
Bloomberg Mercury
„Благодарение на решителните напори да ја зајакнеме нашата енергетска безбедност, извонредно еластичниот пазар на трудот и олеснувањето на ограничувањата за снабдување, избегнавме зимска рецесија и сме подготвени за умерен раст“, рече во изјавата Паоло Џентилони, еврокомесар за економија.
Бруто-домашниот производ на регионот сега ќе се зголеми за 1,1 отсто оваа година и за 1,6 отсто во 2024 година. Со тоа и двата исхода се маргинално повисоки од претходно. Не се предвидува рецесија за ниту една земја од еврозоната за споменатиот период.
Bloomberg Mercury
Според проекциите, Естонија ќе ја претрпи единствената годишна контракција во еврорегионот во 2023 година со пад од 0,4 проценти. Единствено што се смета во ЕУ како целина ќе биде падот на Шведска од 0,5 проценти. Тој резултат е подобар од прогнозираниот.
Џентилони предупреди дека подобрените изгледи за раст не треба да бидат причина за преголема радост.
„Остануваат премногу ризици за да сме удобни, а руската брутална инвазија врз Украина продолжува да фрла сенка на неизвесност врз изгледите“, рече тој.
Инаку, еврозоната порасна само за 0,1 отсто во првиот квартал, а податоците за индустриското производство за март, објавени денеска, помагаат да се објасни зошто мерачот падна за 4,1 отсто во однос на претходниот месец, што всушност е најголем пад од април 2020 година, кога пандемијата ги затвори фабриките.
.webp){kind=icon}
