ЕЦБ не ги убеди економистите дека каматите ќе останат високи долго време

Планот на Европската централна банка (ЕЦБ) да ги задржи каматните стапки на високо ниво долго време не им изгледа убедлив на економистите, кои сега очекуваат цените на задолжувањето да се намалат само за шест месеци.

Мнозинството (иако слабо) економисти вклучени во истражувањето на „Блумберг“ очекуваат последното зголемување на каматните стапки да се случи во септември, кога стапката на депозитите ќе достигне четири отсто, а официјалните лица да почнат да ги намалуваат каматните стапки во март. Забележлива е неизвесноста за следните потези, а проекциите за цените на задолжувањето на крајот на 2024 година се во опсег од два до четири отсто.

Сите испитаници очекуваат ЕЦБ следната недела да ги зголеми каматните стапки за 25 базични поени.

Разликата во ставовите нагласува колку е тешко да се прогнозира кога инфлацијата ќе се врати на целта од два отсто, од сегашните 5,5 отсто. Минатата есен стапката надмина 10 проценти. Не само што постојаните ценовни притисоци и слабиот економски раст ја заматуваат сликата туку официјалните лица сè уште не се сигурни како сегашното заострување од 400 базични поени ќе влијае на економската активност, откако ќе се почувствува целосниот ефект на истото тоа.

Проекциите за каматните стапки меѓу економистите многу варираат (резултати од истражувањето на „Блумберг“ спроведено од 14 до 19 јули) Bloomberg

„ЕЦБ ќе мора да најде начин да го запре зголемувањето на каматните стапки во блиска иднина, оставајќи ја на маса опцијата за дополнително затегнување“, рече Кристијан Тодман, економист во „Декабанк“. Тој предвидува дека стапките ќе го достигнат врвот овој месец и ќе останат на исто ниво до следниот септември. „Но така постои ризик пазарите да го протолкуваат таквиот прекин како знак дека намалувањето на стапките е веќе подготвено“, додаде тој.

Досегашните движења на стапката на ЕЦБ и средна вредност на проекциите (сив правоаголник) од истражувањето на „Блумберг“ од 14 до 19 јули Bloomberg

Претседателката на ЕЦБ, Кристин Лагард, ќе сака да ги отфрли сите шпекулации за неизбежно намалување на каматните стапки за време на својот говор, откако на 27 јули ќе биде објавена најновата одлука за монетарната политика. Акцентот е ставен на фактот дека стапките ќе останат покачени долго време - особено затоа што ревидираните податоци покажаа дека базичната инфлација во јуни беше повисока отколку што се очекуваше.

„Иако не очекуваме Лагард јасно да каже кога ЕЦБ ќе паузира, таа се чини сè повеќе решена да им даде до знаење на сите дека намалувањето на каматните стапки нема да дојде наскоро“, рече Дејвид Пауел, висок економист за еврозоната во „Блумберг економикс“.

За повеќе коментари од аналитичарите на „Блумберг“ кликнете ТУКА.

Во моментов нема коментари за веста. Биди прв да коментира...

Остави коментар