.webp){kind=icon}
Сезонски приспособената стапка на невработеност во еврозоната во септември 2023 година изнесува 6,5 отсто, што е зголемување од 6,4 отсто во однос на август и намалување од 6,7 отсто во септември минатата година, објави во петокот Евростат.
Eurostat
Што се однесува до невработеноста во Европската унија (ЕУ), таа во септември изнесуваше шест отсто, непроменета во однос на август годинава и благо намалување во однос на септември минатата година.
Евростат проценува дека во септември 2023 година, нешто повеќе од 13 милиони луѓе биле невработени во ЕУ, од кои повеќе од 11 милиони биле во еврозоната. Во споредба со август 2023 година, невработеноста порасна за 95.000 во ЕУ и за 69.000 во еврозоната. Во споредба со септември 2022 година, невработеноста е намалена за 126.000 во ЕУ и за 212.000 во еврозоната.
Стапката на невработеност кај младите во ЕУ во септември изнесуваше 14,2 отсто или 14 отсто во еврозоната, додека стапката на невработеност кај жените е 6,3 отсто во ЕУ и 6,8 отсто во еврозоната.
