.webp){kind=icon}
Европската централна банка (ЕЦБ) нема да брза со намалување на каматните стапки за да не го поништи целиот напредок што го постигна во борбата против инфлацијата, изјави членот на Советот на гувернери, Петер Кажимир. „Првото намалување може да се случи во јуни наместо во април“, додаде тој.
„Избрзана акција заснована на краткорочни изненадувања без појасна слика за среден рок би била ризична“, наведе тој во текстот објавен во понеделникот. „Тоа лесно може да го поништи целиот напредок што го постигнавме кон нашата цел“, додаде тој.
Bloomberg
Минатата недела ЕЦБ по третпат ги остави трошоците за задолжување по нивните сегашни стапки, а претседателката Кристин Лагард се обиде да ги одврати пазарите, што укажува дека намалувањето на каматите може да дојде порано. Сепак, нејзините пораки не беа толку силни како што се очекуваше. Оттогаш има пораки од други функционери што покажуваат дека има поделби околу тоа кога централната банка на еврозоната треба да почне да ги намалува стапките.
„Убеден сум дека точниот датум не е толку важен колку ефектите од самата одлука“, рече Кажимир. „Јуни ми изгледа поверојатно, но нема да извлечам предвремени заклучоци. Штом ќе биде потребно тоа, нема да се двоумиме да реагираме“, додаде тој.
„Официјалните лица ќе ја засноваат својата одлука на дојдовните податоци и мартовските проекции на ЕЦБ“, рече тој, додавајќи дека движењата на платите за следните години остануваат „непредвидлив фактор“.
„Иако знаците се добри, сè уште немаме доволно информации за да донесеме заклучок со сигурност“, рече тој. „Поради таа причина, сега е рано да се зборува за намалување на каматните стапки“, заклучува тој.
