Поради полошите перформанси во вториот квартал, Германија годинава тешко ќе забележи некаков економски раст, велат економистите.
Германскиот бруто-домашен производ ќе порасне само за 0,1 отсто во 2024 година, што е за 10 базични поени пониско од претходната проекција, покажува истражувањето на економисти спроведено од „Блумберг“ (Bloomberg). За исто толку (на 1,1 отсто) аналитичарите ја намалија и проекцијата на економскиот раст за 2025 година.
Полошите проекции дојдоа како резултат на податоците што покажаа дека лошите перформанси на индустрискиот сектор и понатаму го попречуваат растот на најголемата европска економија. Во вториот квартал Германија забележа пад на економската активност.
Прочитај повеќе
Поскапува студирањето за Македонците во Германија
Минималната сума од септември ќе се зголеми за 700 евра
08.08.2024
Автомобилите поттикнаа неочекуван раст на германската индустрија
Индустриското производство порасна за 1,4 отсто во однос на мај.
07.08.2024
Германската инфлација неочекувано порасна, нов предизвик за ЕЦБ
Потрошувачките цени во јули годинава се зголемија за 2,6 проценти во однос на истиот месец претходната година.
30.07.2024
Иако минатонеделните извештаи покажаа зголемување на бројот на нарачки од фабриките, како и зголемување на индустриското производство, овој напредок не беше доволен да го надомести падот од претходниот период.
Раст и проекции на германскиот БДП (новите проекции се означени со сино, а старите проекции се означени со жолто)
Bloomberg
Извозот не порасна во јуни, што покажува во колкави проблеми се наоѓа производствениот сектор, кој досега беше мотор на економскиот раст на Германија. Половина од недостатоците во индустријата би можеле да бидат од структурна природа, велат аналитичарите на „Блумберг економикс“ (Bloomberg Economics).
Аналитичарите очекуваат закрепнувањето да дојде подоцна, а економијата да расте до 2026 година. Тоа би можело да го утеши канцеларот Олаф Шолц, чиј мандат забележа поголем економски пад во повеќе квартали отколку раст. Германскиот лидер следната година го чекаат избори.
Европската комисија и годинава предвидува ист економски раст за Германија. Меѓународниот монетарен фонд (ММФ), Бундесбанк и ОЕЦД очекуваат малку повисок раст.
Во својот последен месечен извештај германската централна банка предупреди дека „слабата побарувачка опстојува“ и дека „индустриската активност веројатно ќе расте, но бавно“.
.webp){kind=icon}