.webp){kind=icon}
Германија привремено ќе го намали данокот на промет на природниот гас од 19 на 7 проценти за да го олесни товарот на домаќинствата и компаниите кои страдаат поради зголемените трошоци за енергија и кои ќе бидат погодени од новата давачка која ќе стапи на сила во октомври.
Канцеларот Олаф Шолц рече дека со овој чекор, Владата го намалува оптоварувањето за корисниците на гас во целина многу повеќе отколку товарот создаден од давачките за гас.
Владата наметна нова давачка за потрошувачите на гас за да помогне во финансирањето на компензацијата за увозниците принудени да плаќаат повисоки цени и да ги спречи да пропаѓаат, што потенцијално би предизвикало пошироко нарушување во снабдувањето со енергија на најголемата европска економија.
Прочитај повеќе
Повторно расте цената на природниот гас во Европа
Потенцијалот за прекини на руското снабдување во сезоната на шпицот на побарувачката останува во фокусот, одржувајќи ги цените покачени
10.08.2022
Светот во трка за набавка на течен гас
Последниот потег на Русија да го прекине снабудањето со гас кон Европа ја интензивира глобалната конкуренција за испорака на горивото преку море, заканувајќи се со повисоки цени и недостиг од Азија до Јужна Америка.
26.07.2022
Европските цени на струјата двојно се зголемија за два месеци
Цените на струјата скокнаа на нов рекорд продлабочувајќи ја кризата која го носи регионот во рецесија.
15.08.2022
Давачката, која треба да стапи на сила од 1 октомври и да истече на крајот на март 2024 година, оваа недела беше утврдена на 2,4 евроценти за киловат час. Тоа ќе ги зголеми сметките за енергија и за корпоративните корисници кои користат гас во производните процеси и за домаќинствата кои веќе страдаат од зголемените трошоци за греење и храна.
Приходите од новата наплата ќе бидат искористени за надоместување на дополнителните трошоци направени од увозниците на гас, од кои 12 веќе поднеле барање за компензација од околу 34 милијарди евра (34,6 милијарди долари), според Министерството за економија.
