.webp){kind=icon}
Германскиот извоз и увоз паднаа во јули, а растечките цени и војната во Украина се закана дека најголемата европска економија ќе влезе во рецесија.
Трговскиот суфицит се намали на 5,4 милијарди евра од 6,2 милијарди во јуни, извозот падна за 2,1 отсто, а увозот за 1,5 отсто, објави денеска германскиот завод за статистика. Продажбата на стока во САД, најголемиот пазар за земјата, падна за речиси 14 отсто.
„Трговијата веќе не е двигател на растот, напротив, стана пречка за германскиот раст“, вели Карстен Брзески, економист во ИНГ.
„Проблемите во глобалните синџири за снабдување, геополитичките ризици и се поголемите трошоци на производство очигледно се двигатели на новиот тренд“.
Додека логистичките проблеми кои ги мачат производителите од времето на пандемијата покажуваат знаци на попуштање, ниските водостои на реките, високите трошоци за енергенси и можните поместувања во синџирите за снабдување и производствените процеси ги проблематизираат очекувањата“, вели Брзески.
