text size
Министерството за економија доби задолжение од Владата да ги разгледа можностите околу евентуално продолжување на летното сметање на времето, со цел дополнителни заштеди во општата потрошувачка на електрична енергија, информираше синоќа владината прес-служба, по 88. седница на владиниот кабинет.
Министерството треба да ги измери ефектите за тоа како ваквата одлука би влијаела на потрошувачката на струја до 30. октомври, кога стрелките на часовниците ќе треба да се вратат назад за еден час.
На владината седница беа усвоени и нов сет со антикризни мерки во вредност од 350 милиони евра за ублажување на енергетската криза и ценовниот притисок, како План за фискална одржливост и поддршка на економскиот раст со политики, препораки, мерки и индикатори.
Како што соопшти премиерот Димитар Ковачевски, со овие средства, севкупната поддршка за полесно пребродување на кризата во сите сфери досега изнесува 750 милиони евра.
На прес-конференција по вчерашната седница, премиерот подвлече дека мора да има енергенси, парно и струја, но најави и таргетирани мерки за најранливите категории граѓани.
.webp){kind=icon}
