Скапа нафта, скапа струја, најскапи вештачки ѓубрива, сето ова резултира со скапа храна. Трошоците на земјоделците растат од месец во месец. Во октомври, споредено со ланскиот октомври трошоците им се зголемиле за 19,9 отсто.
Најголем раст на цените има кај вештачките ѓубрива, следни се трошоците за енергенти, а за над 16 отсто се зголемила и цената на добиточната храна.
Растот на трошоците на земјоделците се рефлектира на растот на цените на храната и токму тие, заедно со енергенсите се двигатели на инфлацијата во земјава која се доближи до 20 отсто.
Според денешната објава на статистика, крајните производи на земјоделците, заради зголемените трошоци, се поскапи за над 10 отсто споредено со минатата година. Највисок раст на цените има кај житата и оризот, следат компирите и производите од животинско потекло.
.webp){kind=icon}
