Регистрирана афиканска чума во одгледувалиште во кумановско

 Агенцијата за храна и ветеринарство денеска потврди дека е утврдено присуство на болеста африканска чума кај свињите во едно одгледувалиште во кумановското село Тромеѓа. Како што наведуваат во соопштението, донесено e решение за контролни и заштитни мерки. Во фармата каде болеста е потврдена спроведена е депопулација и нештетно отстранување на угинатите и евтаназирани свињи. Од фармата се земени мостри за лабораториско испитување и извршена е дезинфекција.