Нема да има ценовен шок на 1 јануари 2023 година во однос на цената на струјата, изјави денеска премиерот Димитар Ковачевски.
Тој посочи дека во формирање на цената на струјата учествуваат повеќе влезни ценовни параметри и врз нивна основа, како и врз основа на влезните квантитативни параметри од МЕПСО, од ЕВН и од ЕСМ, Регулаторна комисија за енергетика ја определува финалната цена.
„Јас го делам мислењето на вицепремиерот за економски прашања и на министерот за економија со коишто ние секојдневно работиме на решавање на проблемите во енергетиката, дека граѓаните нема да имаат ценовен шок на 1 јануари 2023 година. Дури сметам, дека оние граѓани коишто најмалку трошат, коишто најмногу заштедиле, а тоа се во првите два тарифни блока дека нема да имаат зголемување“, рече Ковачевски.
Тој додаде дека граѓаните коишто многу трошат и коишто можат тоа финансиски да го поднесат без никакви проблеми веројатно ќе имаат имаат зголемување на цената.
„И она што сметам дека е исто така значајно да се случи со цената, мислам дека со овие влезни параметри може да се случи да има намалување на цената на електрична енергија за регулираниот пазар кај малите потрошувачи, а тоа се 70-ина илјади компании коишто вработуваат 98 проценти од вработените во државата, рече Ковачевски.
Кога се определува финална цена на електричната енергија за граѓаните и за малите потрошувачи, посочи дека ЕСМ според закон имаат обврска да снабдат 60 проценти од регулираниот пазар, а со одлука на Влада се задолжени 100 проценти да го снабдат и тоа го прават.
„Јас морам да искажам благодарност и пофалба до вработените во производствените капацитети за електрична енергија во ЕСМ, бидејќи во моментов сите производствени капацитети, двата блока во РЕК Битола, Осломеј, Неготино, Енергетика работат со полн капацитет и произведуваат електрична енергија за што од опозицијата велеа дека нема шанси да се случи, еве се случи и произведуваат во целост електрична енергија за целиот регулиран пазар. Веќе почна и монтажата на трансформаторот за третиот блок – девет камиони се веќе пристигнати со опрема. Сега се чека на транспортот на финалната централна единица на трансформаторот којшто треба да пристигне од Турција и со тоа доколку нема испади на претходните тогаш ќе ги имаме сите капацитети во производство“, посочи премиерот Ковачевски.
.webp){kind=icon}
