Миле Бошков, претседателот на Бизнис-конфедерацијата на Македонија, во гостување на Блумберг Адрија ТВ, даде свое видување во однос на најавите за зголемување на минималната плата во првиот квартал од наредната година за околу 2.000 денари.
„Нашиот став е дека можеби власта не знае оти малите бизниси, занаетчиите, па и средните бизниси навистина се соочуваат со големи кризи, така што сметаме дека треба да поразговараме со Владата во однос на усогласувањето и во однос на новите 2.000 денари зголемување на минималецот. Неопходно е да се подигне стандардот на работниците, но сметаме дека со едно вакво решение, без договор и учество на сите чинители во економијата, не може да се продолжи“, истакна Бошков.
Тој најави дека утре ќе имаат средба со вицепремиерот за економски прашања Фатмир Битиќи, на која, како што кажа, ќе се разговара за колективно договарање во сите сфери и во сите сектори во економијата.
„Така што сметаме дека ова системско решение можеби и е неодржливо, особено за работодавците што имаат проблеми во однос на одржливоста и на ликвидноста“, посочи Бошков.
Целиот разговор со него погледнете го на видеото во рамките на објавата.
.webp){kind=icon}
