Премиерот Димитар Ковачевски смета дека неиздавањето на еврообврзницата поради непотпишувањето од страна на министерот за правда, кој е во оставка, не може негативно да влијае врз кредитниот рејтинг на државата.
Ковачевски денеска изјави дека неиздавањето на еврообврзницата е од процедурални причини и дека не сакале да прават прекршување на постапката, бидејќи министерот бил во оставка.
„До изборот на новиот министер, не сакавме да правиме прекршување на постапката. Вчера инвеститорската јавност беше информирана. Постапката ќе биде повторена и успешна штом ќе биде завршена реконструкцијата на Владата“, рече Ковачевски, одговарајќи на новинарски прашања.
Прочитај повеќе
Провизиите ќе си ги платиме, а следната еврообврзница ќе биде поскапа
Потегот за откажување на процесот на задолжување е скап и несериозен.
16.02.2023
Владината реконструкција го одложи задолжувањето преку еврообврзницата
Процесот за издавање на еврообврзницата ќе се изврши по изборот на нов министер за правда.
15.02.2023
Вистината за каматата на еврообврзницата
Купонската камата е помала од приносот, кој секако ќе биде платен, а изнесува 6,5 проценти.
10.02.2023
Македонија ќе се задолжи 600 милиони евра преку еврообврзница, камата од 6,50 проценти
Инвеститорите понудија 1,6 милијарди евра
08.02.2023
Оцената на директорот на Канцеларијата на Светската банка за Северна Македонија и Косово, Масимилијано Паолучи, е дека постојат доста ликвидни средства на пазарот што може да се искористат на соодветен начин.
Со издавањето на еврообврзницата, државата требаше да обезбеди 600 милиони евра, кои требаше да бидат искористени за отплата на стари долгови и еврообврзница што достасуваат годинава. Министерството за финансии вчера соопшти дека целата постапка за издавање на еврообврзницата ќе биде извршена по спроведувањето на административните процедури, кои подразбираат и мислење од новиот министер за правда.
„Веднаш по изборот на новиот министер за правда ќе се одржи нова аукција. За ова банките-агенти што посредуваа при издавањето на еврообврзницата ќе ги информираат инвеститорите, кои при минатата аукција имаа 2,5 пати поголем интерес во однос на понудената сума, како резултат на довербата во добрите економски политики“, информира Министерството за финансии.
.webp){kind=icon}
