Одредени се финалните услови за новото задолжување на Македонија преку издавање четиргодишна еврообврзница според кои таа ќе биде во износ од 600 милиони евра со камата од 6,50 проценти, покажуваат податоците објавени на терминалот на „Блумберг“.
Инвеститорите покажаа голем интерес за еврообврзницата и понудија 1,6 милијарди евра. Финалниот износ за задолжување преку издавање еврообврзаница од 600 милиони евра е под предвидената максимална сума од 800 милиони евра. Од Владата веројатно во наредниот период ќе објаснат дали сумата за задолжување е пониска поради висината на каматата од 6,50 проценти.
Инаку, „Блумберг Адрија“ веќе пишуваше дека Владата ја враќа Македонија на пазарот на еврообврзници за да го рефинансира долгот што доспева и да го финансира буџетскиот дефицит оваа година. Аналитичари од реномирани банки и инвестициски компании изразија мислење дека очекуваат да има интерес за новата македонска еврообврзница.
Прочитај повеќе
Се нудат 1,5 милијарди евра за македонската еврообврзница, камата над 6 проценти
Голем интерес кај меѓународните инвеститори
08.02.2023
„Блумберг“: Се очекува голема побарувачка за новата еврообврзница на Македонија
Аналитичари од реномирани инвестициски компании и банки одговараат за новото задолжување на Македонија
07.02.2023
Бесими бара инвеститори за нова еврообврзница
Овој повик го организираат Сити банк, Дојче банк и ЏП Морган како заеднички организатори.
06.02.2023
Македонија треба да отплати 450 милиони евра обврзници кои доспеваат во јули и треба да финансира буџетска дупка од 4,6 отсто од БДП оваа година.
Како водечки менаџери за продажбата на новата еврообврзница се ангажирани „Ситигруп“ (Citigroup Inc.), „Дојче банк“ (Deutsche Bank AG), „Ерсте груп“ (Erste Group Bank AG) и „ЏП Морган Чејс“ (JPMorgan Chase & Co).
.webp){kind=icon}
