Инвеститори во моментов нудат 1,5 милијарди евра за новата македонска еврообврзаница, а каматата е над шест проценти, според податоците објавени на терминалот на „Блумберг“. Станува збор за голем интерес кај меѓународните инвеститори со оглед на тоа што според најавата на Владата се планира износот за задолжување преку четиригодишната еврообврзница да биде 800 милиони евра.
„Блумберг Адрија“ веќе пишуваше дека Владата ја враќа Македонија на пазарот на еврообврзници за да го рефинансира долгот што доспева и да го финансира буџетскиот дефицит оваа година. Аналитичари од реномирани банки и инвестициски компании изразија мислење дека очекуваат да има интерес за новата македонска еврообврзница.
„Секогаш има побарувачка за обврзници од оваа земја бидејќи ретко позајмува и конзервативно е управувана“, рече Ричард Сегал, аналитичар за фиксен приход во „Амброзија Капитал“ (Ambrosia Capital Ltd.) „Побарувачката треба да биде силна бидејќи можностите за купување приказни поврзани со пристапување во ЕУ се малку и стануваат се‘ поретки“.
Прочитај повеќе
„Блумберг“: Се очекува голема побарувачка за новата еврообврзница на Македонија
Аналитичари од реномирани инвестициски компании и банки одговараат за новото задолжување на Македонија
07.02.2023
Бесими бара инвеститори за нова еврообврзница
Овој повик го организираат Сити банк, Дојче банк и ЏП Морган како заеднички организатори.
06.02.2023
Продажбата може да собере дури 800 милиони евра или „повеќе од вообичаено“, со оглед на тоа што земјата веќе има кредитна линија од Меѓународниот монетарен фонд и напредува во преговорите за пристап во Европската унија што ќе ја зајакне довербата на инвеститорите, изјави Стефан Имре, економист во „Рајфазен банк“ (Raiffeisen Bank International AG).
Новата понуда доаѓа во период на рекордни издавање на обврзници и надолен пазар со мал ризик, вели Луц Роемајер, главен инвестициски директор во „Капитулум Асет менаџмент“ (Capitulum Asset Management) со седиште во Берлин. „Соседството на Балканот е секогаш политички нагласено, но не гледам прелевање, ниту од регионалните препукувања, ниту од руската војна во Украина“, рече тој.
Македонија треба да отплати 450 милиони евра обврзници кои доспеваат во јули и треба да финансира буџетска дупка од 4,6 отсто од БДП оваа година. Како водечки менаџери за продажбата се ангажирани „Ситигруп“ (Citigroup Inc.), „Дојче банк“ (Deutsche Bank AG), „Ерсте груп“ (Erste Group Bank AG) и „ЏП Морган Чејс“ (JPMorgan Chase & Co).
.webp){kind=icon}
